Ad ken-ixdeɛ Rebbi

6
517
Ad ken-ixdeɛ Rebbi
Ad ken-ixdeɛ Rebbi

Mi tefra lgirra Aqbayli iɣil ad yidir di tafat akked talwit ?!
Ziɣ kunwi ay imcumen d tamuɣli n wuccen s ulli.
Terra-m tibbura ɣef yal rrbeḥ d tlelli.

Trekḍem tamurt, tenɣam tugdut, teslulem-d tamttant i Weqbayli.
Terram Aqbayli yedder yemmut.
Tugmem-d lhem d wurfan, lḥif akked lemḥan.

Tenɣam asirem !
Tḥumam akersi, teqlem d iqerra ɣef wid ur ken-ibɣin.
Teččim azref imeɣban, texlim ikufan, terram Aqbayli d netta i d ssebba n iɣblan.

Tserzgem tudert, tikli yid-wen ḥercawet.
Tḍaq tmurt n yeqbayliyen deg-wen, iḥar yimɣi d ugama, igenni akked wakal.
Ussan akked iseggasen; a wen-qqaren, ɛyan deg-wen, skud mazal-iken ur d-yeqqim usirem.

Aqbayli ur yesɛi laman deg-wen, ass i ternim a d-yettarew uguren !
Aqbayli yeɛya deg uraǧu, ddwa-s anagar rrwaḥ-nwen si tmurt n yeqbayliyen.
Ayen ak tzerɛem si 62 ar ass-a; d asennan i d-yefka.

Teččam ayla n weqbayli, terram-tt d arbib deg wayla n baba-s d jeddi-s.
Akka, izem iḥekmit weydi.
Aydi ɛellen-as lhiba wid ur nessin Rebbi.

Terram takmamtt ɣef yimi, tegla-d s usegres alarmi i tt-teṭfit tcerkkett.
Tegrem taqbaylit deg tesraft n ssem, tenwam a tt-zzer deg anu n tatut ?Am arezg n imeɣraṣen ur neẓri ayen akka yeḍran.

Tili ur teḥkimem ara ay imcumen. Ass-a, anwa ara yettun Taqbaylit-is ?
Abidi acebḥan ur yettames, tamurt n yeqbayliyen a tt-teqqim d tamurt n yeqbayliyen.

Crif Wanuɣi

6 COMMENTS

  1. AZUL FELL-AWEN
    TANEMMIRT ƔEF USEFRU AGI
    YEWZEN YERNA YEČČUR D LEMƐANI
    MA D WID IḤEKMEN A D-ZZI FELL-ASEN SSNESLA ARA A TEN-ICUDEN I LEBDA

  2. azul
    tugniwin agi lhan-tt atas yerna laqen-tt
    tanemmirt
    afud igerzen iwid i dyefkan afus akken a tt-nerni teqbaylit nney.
    necallah a d-akkin wid yettsen!

    • {{Tanemmirt a Crif ghef usefru-agi i d-ittaran asirem.Tura nezmer ad d nini d-akken avrid yessufughen,avrid n Timanit (tadsimant) yendjêr,ivan ,tanila gher tlelli n Tmurt L-Leqvayel.Am ass-a laâtav ad yeffegh gher tafat.Ur d-yegri ayen yezrin! Ahûdu ahûnnu fell-ak.}}

  3. AZUL FELL-AWEN
    TANEMMIRT ƔEF USEFRU AGI
    YEWZEN YERNA YEČČUR D LEMƐANI
    MA D WID IḤEKMEN A D-ZZI FELL-ASEN SSNESLA ARA A TEN-ICUDEN I LEBDA

  4. azul
    tugniwin agi lhan-tt atas yerna laqen-tt
    tanemmirt
    afud igerzen iwid i dyefkan afus akken a tt-nerni teqbaylit nney.
    necallah a d-akkin wid yettsen!

    • {{Tanemmirt a Crif ghef usefru-agi i d-ittaran asirem.Tura nezmer ad d nini d-akken avrid yessufughen,avrid n Timanit (tadsimant) yendjêr,ivan ,tanila gher tlelli n Tmurt L-Leqvayel.Am ass-a laâtav ad yeffegh gher tafat.Ur d-yegri ayen yezrin! Ahûdu ahûnnu fell-ak.}}

Comments are closed.