Ahmed Uyahya  yerra-yas-d  i Yassine Aissouane akked RCD

0
602
Uyahya d l RCD
Uyahya d l RCD

TAMURT – Ihedder s lḥir ɣef tmaziɣt, yerna yettɛeggid, yeqqar : « tamaziɣt tessagad … ». Waqila armi d ass-a i d-ifaq belli tamaziɣt tessagad  adabu akked waɛraben axaṭer ẓṛan amezruy-nsen ‘aɛrab” ibedd ɣaf tkerkas d tkellax.

Yekker ar usfuččex d uskeɛrer, yenna « nous somme, au RCD, contre les laboratoires israéliens ». Wissen seg ansa i d-yeɣra wemdan-a ? Anwa-ten akka « les laboratoire israéliens » iqeddcen ɣef tmaziɣt?  Anwa-ten yemdanen-a yettnadin ɣef tmaziɣt deg “les laoratoires isréliens”? Annect-a meṛṛa iwakken kan ad d-yini belli nutni s “RCD” atnan ar tama n waɛraben deg wayen yeɛnan tineslemt. Kkaten ad ɛeǧben i weɛdaw-nsen i s teflest taderɣalt.

Meɛna tin yernan ɣer ta, Mass Yassine Aissouane yendeh s tejmilt d tameqqṛant i yimeɣnasen n 1949-1954 i yennuɣen ɣef tmaziɣt mebla ma yudder-d ula d yiwen, syenna ikemmel yerra tajmilt i « yimeɣnasen  n 80 » i yennuɣen ɣef tmaziɣt, iḍegger tiṭ-is ar tewriqt anda yekteb ismawen-nsen, yudder-iten-id : « Said SAADI, Mouloud LOUNACI, Djamel ZENATI… » meɛna win akk i s-iweḥlen d Ferhat MEHENNI. Iwḥel-as deg taɣect, ur izmir ara ad d-yeffeɣ. Yeẓṛa belli d netta i yellan ar uqeṛṛuy n wid akk i d-yudder meɛna netta ur d-yuddir ara isem-is.

Ziɣen d Ferhat MEHENNI i d ssebba akk n wuguren i d-ttmagaren yemdanen-a. Ziɣen d Ferhat MEHENNI i d aɛdaw ammeqran n Iqbayliyen-a.

Yekker-d ugujil n wawal, Mass Ouyahya, yerra-yas-d akken iwata i Yassine Aissouane akked RCD: « akabar n RCD seg wasmi d-yekker netta yessawel-d ar ucerreg n tmurt ». S wawal-nniḍen, Mass Ouyahia yenna-d belli acerreg n tmurt mačči seg Ferhat MEHENNI kan i d-yebda, meɛna yebda-d seg tlalit n RCD.

Wissen tura ma yella ad d-kkren akk yiɛeggalen n RCD ad as-rren s wawal i Ouyahya naɣ d Ferhat MEHENNI kan i isehlen? Wiseen ma ad-yekker tura Yassine Aissouane ad iḥami ɣef RCD « yebɣan ad icerreg tamurt” naɣ d Ferhat MEHENNI kan i s-iweḥlen deg taɣect?

Amaziɣ Aweɣlis

https://www.youtube.com/watch?v=jUo08-gJ6z8