Amek ara iḥader yiwen iman-is seg waḍu A H1N1?

0

Asmi ara yessiɣ waṭṭan-a s tuget ger yimdanen, akken yebɣu uḥader ara nḥader iman-nneɣ, d awezɣi ur d-nettemlil ara d unfafad A H1N1. Aɣbel n tidet mačči d timlilit d unfafad, maca d asfrurex-ines.

Ihi skud mazal-aɣ s tezmert yelhan, ur nesεi kra i d-yesbanayen tamsalmit ara d-yexdem unfafad A H1N1, yessefk ad neg kra n tɣawsiwin i wakken ad neḥbes asefrurex n unfafad, ad nḥader ɣef wasɣalen i wakken ur ttenṭṭerrayen ara neɣ ɣef temsalmiyin nniḍen i wakken ur d-rennunt ara, ma yella nekkni d imuḍan iɣef ur d-yettbin waṭṭan.

{{Atenta kra n tɣawsiwin tifessasin ara yeg umdan i wakken ad iḥader iman-is ɣef waṭṭan-a:}}

1-Akken i d-qqaren yakk iwellihen i d-gan ar tura, yessefk {{usired n yifassen aṭas iberdan deg wass}}.

2-Yessefk amdan, akken i yezmer, {{ur yettnal ara udem-is s yifassen}}

3-Yessefk {{usqluqel n ugerjum s waman yeḥman imerɣanen}}, snat tikwal de wass. 2 ar 3 n wussan i yellan ger wasmi ara d-yekcem unfafad seg wanzaren neɣ seg ugerjum ar wasmi ara d-binen wasɣalen imenza. Ihi asqluqel n ugerjum yezmer ad yeḥbes asfrurex n unfafad. Lḥaṣun, asqluqel n ugerjum s waman imerɣanen yelha i umdan yellan s tezmert akken telha ticreḍt i win yuḍnen. Ur yessefk ara ihi ad neḥqer awellih-a afessas, ur d-yessuturen tadrimt yerna yettaf ɣur-s umdan.

4-Yessefk {{usired n wanzaren s waman iḥmayanen imerɣanen}}, xerṣum tikkelt deg wass. Ad yenser umdan akken i iwata anzaren-is, syinakkin ad yssired anzaren-is s umeččim leqṭen yemmɣen deg waman yeḥman imerɣanen. Ta d taɣawsa nniḍen ara yeḥbsen deg usfrurex n unfafad.

5-Yessefk {{ad nessiǧhed deg unagraw-nneɣ n tmḥaddit [[système immunitaire]] s učči n lqut yesεan tavitamint “C”}}. Ma yella tfernem ad teččem tikaciyin n tvitaminin “C”, ttwillhet ma yella tikaciyin-a ɣur-sent daɣen Zink, i wakken ad yesɣiwel askaf n tvitaminin-a deg tfekka.

6-Tessefk {{tissit n tɣawsiwin tiḥmayanin}} (lattay, lqahwa, tizana, atg.) Tissit taḥmayant telha am usqluqel: tettekkes-as i ugerjum infafaden i izemren ad yilin deg-s, terna tesεedday-iten ɣer lisṭuma, amkan anda infafaden-a ur zmiren ad idiren, akka ihi ad yeḥbes usfrurex-nsen.