Amenzu n yunyu d ass agraɣlan n warrac imeẓyanen

Tiɣri n izerfan n warrac i d-yefɣen ass n 1u n yunyu 1954, s wazal-is
tekka akin i tlisa. Aṭas i s-igan ccan, tussa-d am tin ittrajun, terẓa asalu i wussan i
icebḥen.
Izerfan n warrac ɣas ar ass-a ttwarekḍen di yal tama deg umaḍal, maca lḥan ɣer
zdat.

Amek nettwali izerfan n weqcic di tmurt-nneɣ? D ayen ittuɣaḍen mazal ttakren
arrac imeẓyanen akken ad zzenzen leǧwareḥ-nsen. Am tin yeḍran
ussan-a di Tmeẓrit(Bgayet); kra n yemcumen gara-sen yiwen d amejjay ussan-d si Blida akked Berǧ Buɛririǧ, sneɛmilen znuzun iɣerbalen ukkren snat n teqcicin. Cwi kan Iqbayliyen ddukulen di teswiḥt n ṭṭiq rran tiqcicin ɣer imewlan-nsent.
Wwin imcumen-nni ɣer wexxam n iǧadarmiyen.

Di tmurt n Lezzayer nnig n umlyun
uteltemya n warrac imeẓyanen xedmen di ttjara ttɛawanen imewlan-nsen. Amek iga wul n wemdan yettɛdin ɣef lḥerma n warrac imeẓyannen? Γas akken di ddunit merra menɛen tyita, ayen iḍerrun di tmurt-nneɣ inna-d mgal ayen yuran di lkaɣeḍ.

Am tin yeḍran d teqcict n 12 n iseggasen B.Sara di temdint n Bgayet. Snat n
tselmadin wwten taqcict alarmi tesreɛ, aya yeḍra-d sin n wussan kan uqbel a
tt-sɛeddi akayad n 5è. Taselmadt tenna i baba-s n teqcict-agi, ma akken i yerfa
ɣef ayen yeḍran d yelli-s:  » ncallah a ttexṣer ad tuɣal ɣer ɣur-i ». Imeslayen-agi
mazal ad sen-sel ar ass-a. Ameẓyan ur yeqqim ara deg teɣrit kan ,yewweḍ ula ɣer
uxeṭṭaf d tmenɣiwt, am wayen i d-iḍerrun di tmurt n Iqbayliyen ussan-a.

Aṭas i yeḍran ɣef uqerru n uqbayli ameẓyan, war ma ttekkin deg-s, aṭas
iẓerren ɣer wiyaḍ ur zmiren ad tawḍen.
Tamsalt n tutlayt n tyemmatt i ten-iceɣben, imi mačči d ayen i d-yelmed ɣer
yemma-s i ilemmed deg uɣerbaz. Tutlayt n weqcic Aqbayli irekḍitt udabu. Dayen
iǧǧan agdud yekreh adabu. Imi ayen yettawi deg wawalen n temẓi-s i wumi i
d-yecfa d wid yeṭṭeḍ deg rebbi n tyemmatt yettwaksas. Ammer teḥkem lefhama
« tafunast igujilen », d tamacahut ara yaf weqcic deg uɣerbaz. Imi tafunast tuɣal
d lbaqara ur yelli ara nessirem.