Amizur ( Bgayet ): Imezdaɣ n 5 N tuddar belɛen taɣiwant n Amizur

0

Ass-a n tlata 27 deg wyyur n dujember 2011, imezdaɣ n tuddart-agi: Bumraw, Aregrag, Lḥama, Wawca, Drari, belɛen lemqer n tɣiwant n Amizur. Ma akken nerza ɣer temdint n Amizur akken ad nwali d acu d sebba n wayagi.

Neẓra ticṭiṭin d timlalin ɛelqentt ɣef tewwurt n lemqer n tɣiwant yura fell-asent wayagi: « Ala i temḥaqranit », « Nerra ad nidir deg iseɣ d lḥerma ». Syin akin, qarben-d ɣur-nneɣ iɛeggalen n 5 tdukliwin, fkan-aɣ-id tafa n isuturen yettucegɛen i lwali n Bgayet, tettwestenya sɣur 5 n tdukliwin. Atya wayen sutren:

-Lgaz n temdint deg yixxamen

-Aman n tisit di tbernin

-Aɣerbaz alemmas i warrac

-Awenneɛ di ḥala iberdan-nnsen

-Tazeqqa n tujya akked lbuṣṭa.

C.W.