Anef-as i weqbayli ad yexdem ccɣel-is

4

Assa, tamsalt n teqbaylit teεna ak iqbayliyen anda ma llan. Neɣ ahat tyita deg yeqbayliyen fessuset ! Yuɣ lḥal ufan-d aqbayli d sebba akken azekka ad awḍen ad ḥakmen tamurt ɣef weεrur nneɣ, ass-nni ad nili akken ilaq daw uṣebbaḍ-nsen.

Ad ak-qqaren tutlayin nniḍen yefka-yasent lqanun ad illint akken i d-yenna Ṛebbi. Ma d taqbaylit a tt-yeǧǧ Ṛebbi d tamuḍint ! Nekkni ad as-nini : Ala, ula d nekkni ur nebɣi ara ad yettwakes fell-aɣ sser.

Cfut a yiqbayliyen d imusnawen nneɣ i d-yennan : Tutlayin am yemdanen kif-kif-itent deg wezref. Win yebɣan ad yexdem lxir i tmurt n yeqbayliyen a t-iεuz wegdud. Ma d win yettnadin ad yesker ṭrad ger iqbayliyen winna reglen medden fell-as.

Yaw a d-nezzi d agraw as-neqqim taswiεt a nẓer dɣa ma neqbel : Iqbayliyen ad ttemyexzaren am sin yeqjan; yiwen ad yettigriwliw ɣef teqbaylit-is wayeḍ ad iswehwih fell-as.

Tura yewḍed wakud ma yella s tidet nebɣa tilelli d tugdut i tmurt n yeqbayliyen, ilaq a nesεu ciṭuḥ n tissas akken asen-ini i wid yettkellixen fell-aɣ : Ǧǧet Aqbayli ad yexdem ccɣel-is !