Anejmaε n useqqamu n At Yeεla n ukabar n iɣallen inemlayen ( FFS ).

2

I lmend n uheyyi i tefranin i d-iteddun, yessuddes useqqamu n At Yeεla i ukabar n yiɣallen inemlayen anejmaεu deg uxxam n yilmeẓyen akken ad sqerdcen tikkin deg tefranin-agi i d-iteddun akked yiswi n ukabar.

Aselway n useqqamu n At Yeεla i umussu n timanit mass Yunsi Lmulud yeḥḍer u d win iwumi tettunefk tegnit ad d-yehder dɣa yesmekta-d amecwar n ukabar seg mi yebda deg Tmurt n Yiqbayliyen almi d tura akked umennuɣ i yellan s Yiqbayliyen, d ayen ur qbilen ara imdebbren n ukabr FFS imi ṭṭfen di rray-nsen d akken akabar-nsen d aɣelnaw mačči d aẓiwan.

Aselway n useqqamu n At Yeεla i umussu n timanit yerna-d ger tenqiḍin tin n tutlayt imi 10 n iseggasen-aya mi yeṭṭef ukabar n yiɣallen inemlayen taɣiwant n At Yeεla ulac d acu d-yerna i Tmaziɣt ma nmuqel ɣer tira deg yiberdan neɣ lemεawna n tdukliwin deg uḥric n tutlayt.

Di taggara msefraqen yimezdaɣ am akken asirem ur yelli imi ṭṭaqa n yilmeẓyen ruḥen srid ar mass Lmulud kra yesnammer-it kra yesteqsa-t.