Anwa i d abrid ɣer tewwura n lqern wis 21?

8

Di tmazɣa, agdud-nni yeddren ddaw leḥkem asnaraf, yerra ass-a ad yaɣ abrid‑nniḍen. Dɣa di lǧerra-s, yegla-d meṛṛa s yegduden yellan
ddaw uzaglu at udabu. Iwacu? Acku ma yella iḍelli at ufella sderɣilen allen,
ttaran takmamt ɣef yimi, assa ayen i iḍerrun di yal tama n ddunit ẓrant merṛa medden anda ma llan di teswiɛt-nni.

Ulac tamurt i izemren ad ttezdel ɣef wegdud-is, ad as-temdel allen, as-tessergel imeẓẓuɣen u ad ttḥebsit di lḥala-ines kan. Ass-a yal amdan deg
umaḍal anda ma yella yerra-d s lexber n wayen iḍerrun deg wennar n tsertit.
Acu kan ur cukkeɣ ar belli ayen i d-iḍerrun di tmura-agi yeffeɣ-asen afus i at
udabu n lezzayer. Acku am akken teḍra di Tunes, d amedya, tezmer ad teglu s
truẓi n udabu-agi ma yella yeddukel wegdud Aqbayli.

Si lǧiha‑nniḍen, ma tadukli-agi ad as-teldi tabburt i wegdud aqbayli, ad d-teglu
daɣen s tlufa nniḍen. Tadukli n wegdud aqbayli d tugdin n udabu azzayri (ladɣa wid
i tt‑yeččan alarmi d aẓar).
Amezruy ittazal, yettɣawal…Agdud aqbayli iger asurif amenzu, yerra ad
d-yessukes iman-is si lqaɛ n tesraft.

Imḍebren n Lezzayer lldin lbankat ad ireṭṭlen tadrimt i yilemẓiyen. Anecta i
wakken ilemẓiyen ad xḍun i wayen i ten-id-iskarayen, akken ad ten-ṣḥeṣlen deg
uzaglu n tedrimt.
Dɣa abrid n ṣṣwab d iqbayliyen i t-id-yufan: d abrid yebnan ɣef tikta n teɣdemt.
Abrid-agi d win ara yessemtawin imdanen meṛṛa di tmurt n lezzayer.
Aṭas n tmura di ddunit wint abrid n tlelli d tugdut.
Akka d wa i d abrid yettawin, abrid tettnadi tugett n talsa.

Ass-a, iqbayliyen merṛa bɣan ad fernen abrid i asen-ilaqen, war ma yella win
yettxemmimen deg amkan-nnsen. Ma nebɣa ad nelḥeq tamacint n umezruy, d
abrid-agi i aɣ-iwulmen nekkni s iqbayliyen, iwulem azzayri amegday… meḥsub akk win yettnadin ɣef talwit ɣef lḥerma n wemdan.