Aqbayli-nni…

4

Wid i t-iɣunfan, ɣilen ad nɣen tikta-ines, ad nɣen asirem di tmurt n yeqbayliyen. Ass-a nettwali d akken ɣelḍen, imi tikta Uqbayli-nni a ten-ttan garaneɣ nettḥarab fell-asent; d abrid-is kan i neḍfer imi d abrid yessufuɣen, yettawin ɣer Teqbaylit.
Amennuɣ n Weqbayli-nni d amennuɣ n tikta deg wennar n leqder, d amennuɣ n tlelli d tugdut akked d izerfan n wemdan.

Tikta tizedganin i d-yattawi Uqbayli-nni s tsertit-is, sakayent wid yeṭṭsen, wid umi qnent wallen i ɣef iɛedda uzaylal d lbaṭel acḥal d aseggas.

Izen-ines iḥuza yal Aqbayli akken ibɣu yili, anda ma yella. D izen i d-yusan srid i wakken ad aɣ-d-immel abrid yettawin ɣer tafat, amek Aqbayli ad yerfed aqerruy-is, tamurt-is ad tecbu timura yelḥan ɣer zdat di talwit d lḥerma i imezdaɣ-is s umata.

Aqbayli-nni seg yeḥsan d akken ger timunent n tmurt akked tlelli n wegdud Aqbayli, acḥal ɣezzif umecwar, ɣef aya yefka-d tikti-ines akken ad iḥud ɣef tlelli n wegdud-is.

Aqbayli-nni yefka-d tamuɣli-is yef ayen i d-iḍerrun di tmurt-is si timunent ar ass-a, anda tamurt tugi ad terfed iman-is acku fren tidet yellan, baɣan ad rbun isem n weqbayli akked wayen yeḍran yid-s.

Aqbayli-nni, d win yugi ad yeddu d wid i t-yugin. Aqbayli-nni d win yugin ad yidir ddaw uḍar n wid i bedlen taqbaylit-is s tiyaḍ.

Aqbayli-nni, yettekki seg wid ibennun, mačči seg wid yetthudun, isekn-d amek gma-s Aqbayli yettwaɛelleq, yeḥsel ger sin iberdan: abrid yessufuɣen ɣer tafat, d webrid yettawin ɣer nnger.

Aqbayli-nni, ulamma ur yewwiḍ ara ɣer yiswi-is, yenna-d d akken Taqbaylit ad teḥlu ad tesfeḍ leǧwerḥ-is, ad teflali s wegdud-is.