Aqcic yettwakren deg Tbuεemmucin (Sedduq) ufan-t

0
269

Deg taddart n Tbuεemmucin, deg tɣiwant n Sedduq, azal n 7 ussan d nutni d anadi ɣef mmi-s n yiwen umεellem n yiwet n tkebbanit i ixeddmen iberdan. Aqcic-a, i yesεan 05 iseggasen, azal n ssmana ur d-iban anida yerra. Imezdaɣ n tama-a tekker yakk deg-sen, s teɣzi n smana d nutni d anadi fell-as, ur t-ufin ara.

Almi d iḍelli n lḥedd, yiwen urgaz d tmeṭṭut-is, ufan-t yeṭṭes zdat yiwet tala, anda myegzamen iberdan yettwain ɣer Wat Mεuc, Aqbu akked Sedduq.
ɣef wakken i heddren, wid i t-yukren ḍemεen tadrimt sɣur baba-s. Dɣa, ayen yeḍran akka i tikkelt tamezwarut deg temnaṭ-a, yessekcem tugdi ɣer wulawen n yimdanen, uggaden yakk ɣef warraw-nsen.