Ar melmi?

7

Ar melmi ad runtt tyemmatin tiqbayliyin ɣef warraw-nnsent akked yirgazen-nnsent?

Ar melmi ilemẓyen n tmurt n yeqbayliyen ad ttcihwan tarewla akin i yil?
Ar melmi ad nsel anagar yir isallen?

Ar melmi ara ttazzalen ineɣmasen d timeḥzizwar ɣef anwa ara d-yawin uṭṭun n wid yettwanɣan?

Ar melmi ara d-yeqqim ugdud aqbayli ad yettidir ddaw n lḥers d tuksa n tlelliyin ɣef iɣlin watmaten-nnsen?

Ar melmi aqbayli ara yefɣen seg uxxam-is ad yettxemmim ma yella ad d-yuɣal ɣer warraw-is neɣ uhu?

Ar melmi ara tettraǧu tesdawit-nneɣ taɣalin n imusnawen-is akked iselmaden-is i tt-yeǧǧan?

Ar melmi ilemẓiyen-nneɣ ad reglen ɣef iɣerbazen i wakken ad nadin adrim?

Ar melmi ara d-yeḍru wayen s weɛden imḍebbren akken ad d-rren talwit ad wenɛen yir ḥala ideg tezzer tamurt n yeqbayliyen?

Ar melmi ad ttbelliɛen abrid Yeqbayliyen i wakken ad skanayen lɣiḍ-nnsen akked wurif-nnsen?

Armelmi…Ar melmi… Ar melmi…?
Ayaḍra ifut lawan? Ad neknu zdat n layas?

Ha ala… alef iberdan! Agdud ur yuɣ tanumi yekna ur ikennu zdat lbaṭel. Ɣur-s azref ad yidir di tlelli, d netta ara yfernen abrid ara t-yessufɣen.

Γef aya i d-iger tiɣri yizem n tlelli i Yeqbayliyen anda ma llan akken ad zzin d agraw ad qqimen ad d-ffen tifrat i taluft-nnsen.

D tiɣri n tegmatt ad ttruḥ qbala ɣer imḍebren iqbayliyen ɣer kra n win yesɛan tezweɣ deg udmawen-nnsen.

Yessawel s teɣri-agi:
1- Ad yeyɣli lbaṭel
2- Ad d-tuɣal teqbaylit-nneɣ
3- Ad ǧǧen Akbayli ad yidir di timanit, talwit d tlelli akked tugdut.

Tiɣri n yizem n tlelli i Yeqbayliyen d tiɣri n ugrawliw ameqqran di tegrawla anda yenna:
 » Ddret s Teqbaylit-nnwen »
D tidett d tagrawla mgal iwaɣezniwen i wakken taqbaylit ad ttidir wa ad ttneḥraz.