Aseggas amaynut, aqbayli amaynut

3
317

Yebda useggas amaynut, aseggas i deg ara ikemmel umennuɣ ɣef tlelli, ɣef tidett akked truẓi n isula, ayen akk n dir i d-iẓedmen fell-aɣ neɣ ayen akk yeẓẓa deg-neɣ ddin, kra n wansay i aɣ-yuɣalen d ugur, iɣeṭṭel-aɣ yal mi ara nger asurif.

Aseggas amaynut ad yili d lsas i win id iteddun. Aqbayli ad yewi tilelli i tmurt-is, ad d-yawi tugdut i aɣ-sɛerqen yimcumen-nni! Aqbayli ad iseggem timetti-s, ad yesizdeg ibardan-is, ad yexdem tibḥirt-is, ad yesɣer arraw-is …

Taqbaylit ad taf iman-is ger warraw-is, ad tettwakkes fell-as yir tmuɣli, tamuɣli i tt-yerran ɣer deffir, i as-iksen azal-is…

Aqbayli aseggas-agi amaynut ad yewwet amek ara yesemlil atmaten-is, ad myaɛqalen, ad mlilen ɣef yiwen n yeswi, xas yal wa ad yewwet s wayen yezmer, s wayen yufa, ad yawi abrid yebɣa, awi-d kan ad tili tifrat-is d timlilit ɣer yiswi (Taqbaylit), ara d-yekken nnig tagut i s-iɣ-tdel yir tasertit.

Aqbayli aseggas-agi ad iwehhi tamuɣli-s s azekka, ɣer yimal mebla ma yettu ayen akk iɛeddan fell-as.

Aqbayli ad yemekti, ad yecfu ɣef wayen akk i deg i d-iɛedda, uguren I d-yemlal ɣer-sen ur yettuɣal, ad as-uɣalen d tamsirt s ara iqabel azekka. Ad yawi iḍelli-s d aɛwin, iḍelli-nni yuran s idamen n watmaten-is, wid-nni yeɣlin ɣef TEQBAYLIT; bdu-d si BENNAY Waɛli almi d ilmeẓyen n tefsut taberkant di 2001.

Aqbayli ad d-yemekti wid akk yennuɣen ɣef tugdut-tilleli-tigemmi d tidett, ad asen-yer tijmilin ( i wid yedren neɣ wid yemmuten). Ad asen-yer tijmilin akken ilaq: s isurag, s temzikniyin, s tɣuri n wayen akk i d-uran ( Mɛemri, Farɛun, Wari, Faḍma, Lmuhub d Ṭawes, Ǧaɛuṭ, Ssaɛid Meqbbel, Kateb Yasin, Muḥend Uyaḥya … Matub Lwennas, Sliman Ɛazem, Farḥat, Ait Manggellet, Yidir, Izri Brahim, Crif Xeddam, Ben Ḥanafi, Ben Muḥemmed, Racid ƐELLIC, Mezdad, Ideflawen, Ḥmed Umerri, Iwaḍaren Ɛli, Lḥaǧ Ɛli Areẓqi, Areẓqi Lbacir, Ɛbdun, Ccix Aḥeddad, Ccix Mumend Ameqran, Faḍma n Summer, Ɛisa Wakkuɛen, Si Muḥend Umḥend, Lbacir Amellaḥ, Ḥmed Lemseyyeḥ … ) d ukemmel deg webrid i d-iwin, akken ad yuɣal d lsas n tmurt, ad uɣalen d afud, fell-asen ara nebnu azekka.

Aqbayli ad yer tamuɣli ɣer yiman-is ad yelhi d tedyant-is, ad d-yer agelzim s axxam!

Aqbayli aseggas-agi amaynut ad yewwet amek ara d-yesuffeɣ iman-is seg timawit. Ayen akk yessen, d wayen akk i as-d-ǧǧan imezwura-is ad –yeg leqrar deg yedlisen. Ad ten-id-yini deg isura, deg umezgun,…

Aqbayli ad iwali iman-is d amdan am yimdanen yellan deg umaḍal, ad yekkes yir leḥsab yesɛa ɣef yiman-is, yir leḥsab iẓẓan deg-s irumyen akked waɛraben.
Aqbayli aseggas-a ad yezdi lqedd-is, ad yeǧǧ tiqulhatin, ad yaɛqel amdakel akked wenɣim…

Aseggas ameggaz ay Iqbayliyen, Teqbayliyin.

Irnaten Murad

3 COMMENTS

  1. a qvayli , a segwas agi a maynut ad y’ewet amek ad ye semlil aytmaten is ,ad my ee 3qalen,ad ee mlilen af yiwen yiswi,ghas yal yiwen ad y’ewet s u ayen y’ezmer ,s u ayen y’ ufa ,ad y’awi a vrid i ye vgha,awi-d kan ad t’ili t’ifrat is d t’iimlilit ar yiswi(ta qvaylit), a-d (te) ekk-n nnig t’agut i-s agh te del yir ta sertit.

  2. a qvayli , a segwas agi a maynut ad y’ewet amek ad ye semlil aytmaten is ,ad my ee 3qalen,ad ee mlilen af yiwen yiswi,ghas yal yiwen ad y’ewet s u ayen y’ezmer ,s u ayen y’ ufa ,ad y’awi a vrid i ye vgha,awi-d kan ad t’ili t’ifrat is d t’iimlilit ar yiswi(ta qvaylit), a-d (te) ekk-n nnig t’agut i-s agh te del yir ta sertit.

  3. a qvayli , a segwas agi a maynut ad y’ewet amek ad ye semlil aytmaten is ,ad my ee 3qalen,ad ee mlilen af yiwen yiswi,ghas yal yiwen ad y’ewet s u ayen y’ezmer ,s u ayen y’ ufa ,ad y’awi a vrid i ye vgha,awi-d kan ad t’ili t’ifrat is d t’iimlilit ar yiswi(ta qvaylit), a-d (te) ekk-n nnig t’agut i-s agh te del yir ta sertit.

Comments are closed.