Aselmed n tutlayt Taqvaylit di Marsay

3

Innelmaden-a ifuden tamusni n tutlayt taqvaylit vḍan γef krad n yeḥricen:

– Aḥric amenzu n ilemzyen d tlemzyin d ifransisen akk d yeqvayliyen seg imawlan-nnsen, ur ssinen ula d awal n teqvaylit. Rzan-d γer tiddukla-nneγ i wakken ad ḥulfun s izuran-nnsen d izuran imawlan-nnsen.

Ilemziyen-a ma ulac wid ara sen-yemlen avrid yelhan at iččumar d iεdawen n tudert a ten-rren γer tama-nnsen. Adavu Aẓẓayri yeldi di yal iγrem di Fransa aγervas i uselmed n taεravt d ddin.

– Aḥric wis sin d wid yeγran tutlayin tijentatin rnan ttmeslayen mliḥ taqvaylit, ssaramen ad lemden tira-s imi ẓran d tira ara d-yessufγen tutlayt-nnsen seg tallast γer tafat. Llemden-t s lferḥ d unecreḥ.

– Aḥric wis krad d wid yellan γas ma ur ssinen tafransist neγ taqvaylit maca sεan lebγi ameqran i walmud n teqvaylit.

Deg ayyuren imezwura, timsirin ḥuzant ala tajerrumt akken ad sεun tusna γef agemmay, isem, tafyirt, amyag, amqim… Γer tagara nessekcem deg wahil taγuri n yeḍrisen, taẓabut, (inzan, isefra, timucuha,…)

Tarrayt n yenzan telha aṭas imi yal anelmad yettak-d inzi yessen, ara d-yaru deg tfelwit, syen a s-yeg taslaṭ s tjerrumt. D ayen yernan azal I temsirin acku yettili-d umbeddel n taktiwin d tmusniwin imi yal wa anta tamnaṭ ideg d-yusa.

Timsirin-a ttilint-d ass n sevt deg uxxam n tdukli tadelsant amaziγ (ACA) γef 10 h alami d 12h i yimeqranen , tameddit γef 13 h alama d 15h i warrac imecṭuḥen (ibestuhen).

Ma d tamsirt n wass lḥed tettili-d deg uxxam n tdukli n ddavex uḍar n joliette.
Wiḍ yevγan ad lemden tutlayt taqvaylit tatrart ad d-ssiwlen γer wuttunen-a:

Nora: 06 23 78 18 82

Kader: 06 31 90 34 11

3 COMMENTS

  1. Tanemmirt i Kader γef uḍris-a.
    Ass-a ma yella timsirin -agi ddant akken iwata, ilaq a nẓer d akken yal yiwen deg iεeggalen n tdukla tadelsant timdukelt tamurt taqbaylit- bouches du rhône iga ayen iwumi yezmer, iselmaden nek (nora ) akk d ccix Γuaṭ mebla nettu aselway n tdukla-yagi Kader akk d inelmaden akken ma llan wa s (les photos copies) baṭel , wa s tkerrust-is i usiweḍ n iselmaden… nnig temsirin ttilint-d tufγiwin i usdukkel n taktiwin d uzdi n wassaγen gar n yeqbayliyen n Marseille.
    Ad farṣeγ tagnit ad snimreγ akk inelmaden n teqbaylit mebla ma ttuγ aselway-nneγ Kader yakk d uselmad Γuat. amer akk iqbayliyen am tarbaεt -agi i llan tili aqlaγ nif akk leğnas. Sarameγ wid tewwi tnafa ad akin d tmes d-yuγen iẓuran-nsen.
    Tamawt : aḍris-a yura-t-id Kader DAḤDAḤ mačči d Nora

  2. Azul
    Kemmel-t dima akk’aggi i tevdam. Maca, ilaq derya nwen i d imezwura ad ttemmeslayen macci kan ad fehmen u ad ttarran s trumit negh s tegnawit (taaravt n ubrid). Tutlayt nnegh ilaq umekkan amezwaru deg ulawen nnegh, ilaq as ttamezwarut deg allagh nnegh. Tamazight negh tavaylit : d rruh n Imazighen sumata.

LEAVE A REPLY

Please enter your comment!
Please enter your name here