Asmekti n tmettant n Sliman Ɛazem – Yeǧǧa tamurt-is mebla lebɣi-s

8
204

Sliman Ɛazem,illul ass n 19 di ctember 1918, deg taddart n Aggni Geɣran. Yekka-d deg yiwet n twacult d taẓawalit. Baba‑s yella d afellaḥ d igellil, ɣer‑s semmus n watmaten akked snat n tatmatin. Temz-is yesɛedda-tt akken i ttesɛaddayen warrac n tudrin merra.

Isem-is ɣer medden d iṭij ma ara a d-yebru i tafat. Isakkay-d wid yeṭṭsen, akken ad fiqen d yiman-nnsen ad ssutren izerfan-nnsen. Ttawin-t medden d amedya n lefhama, ttemyuzamen s isefra-s, ttmeɛɛinen s tuɣac-is. Yal taɣect ttaran-tt medden d asafar i tattut n wučči di lawan n ccer. Imeslayen-is kkaten s aqerru, nettun deg ul. Yefka azal i usefru war ma iceḍ-as wawal. Tuɣac-is sellen-asent at wexxam mebla leḥya !

D netta i d bab n ccna aserti n Teqbaylit. D amezwaru yesqedcen timɛayin n iɣersiwen akken ad yeṣṣiweḍ izen ɣer Iqbayliyen. Di lawan n ṭraḍ yecna ɣef lbaṭel n umnekcam, yenna:  » Ffeɣ ay ajraḍ tamurt-iw ». Syin Ḥermen tuɣac-is deg umaṭṭaf n teqbaylit di tamurt. Yettɛedday-d deg umaṭṭaf n Lpari yal ass. Ittekki deg wegraw Imaziɣen anda yecna :  » weyyak a Ḥmed » yewwitt-id ɣef wid yettfen adabu di ltallit-nni. Asmi yehbes umaṭṭaf n lpari yuɣal i cennu di leqhawi.

Deg iseggasen n 77 yexdem anezgum netta d Ccix Nurdin. Taɣect-is zeddiget, aẓawan-is d afessas, imeslayen-is d taqbaylit. Icna ɣef tmurt-is yenna:  » a tamurt-iw ɛzizen ». Di tefsut n 80, yecna » A teqbaylit a tigejdit a tin ɣef yebna wexxam… ». Icna diùen ɣef lɣerba tamcumt, tin ihuzan akk Iqbayliyen, d wamen tettaker irgazen s twaculin-nsen:  » d aɣrib d aberrani di tmura n medden ». Dda Sliman yewweḍ leɛfu n Rebbi ass n 28 yennayer deg useggas n 1983, yemḍel di Moissac di Fransa.

Yessarem ad yemmet di tmurt n yeqbayliyen i t-id-yessekren alarmi yewwed d argaz; tagara yemḍel d aɣrib !

8 COMMENTS

  1. AZUL i kra win iqedcen ɣef teqbaylit
    ad teḥsum mačči baṭel win yettnadin ɣef wayla-s yezga d argaz ɣer medden, acku akken bɣun tutlayin wwḍent, tutlayt-iw tifi-tent. ass-a tutlayt-nneɣ tedda aqudim ɣer zdat s twail n internet.
    assa terrim tajmilt i sliman Ɛazem, yuklal aṭas, afud i gerzen a wid i d-ittmaktayen irgazen iqbayliyen.tanemmirt

  2. Azul-fellawen.
    tewwim-d awal ɣef DDA SLIMAN ƐAZEM ɣas s tewzel maca s wazal-is, terrim-as tejmilt, akken a t-id-nmekti xersum s wawal neɣ s usefru.
    acku, aṭa i yebɣan ad ɣbun later-is.
    tanemmirt

  3. Dda sliman anwa ur k nessin
    Si zzman aqdim
    Almi d ldjil n tura
    Isefra k zraan mmghin
    F yilsawen ttmirin
    D timsirin d tisura

  4. Abrid i d neǧred nuɣ it
    Nerna neqaɛd it
    Swayen is ilaqen
    Yalwa I isen yesfukti t
    D zzmam at nekteγ it
    Am ledjnas nnḍien
    Nerna nessekles it
    D tugniwin nettwalit
    S ttawilat ilaqen

  5. AZUL i kra win iqedcen ɣef teqbaylit
    ad teḥsum mačči baṭel win yettnadin ɣef wayla-s yezga d argaz ɣer medden, acku akken bɣun tutlayin wwḍent, tutlayt-iw tifi-tent. ass-a tutlayt-nneɣ tedda aqudim ɣer zdat s twail n internet.
    assa terrim tajmilt i sliman Ɛazem, yuklal aṭas, afud i gerzen a wid i d-ittmaktayen irgazen iqbayliyen.tanemmirt

  6. Azul-fellawen.
    tewwim-d awal ɣef DDA SLIMAN ƐAZEM ɣas s tewzel maca s wazal-is, terrim-as tejmilt, akken a t-id-nmekti xersum s wawal neɣ s usefru.
    acku, aṭa i yebɣan ad ɣbun later-is.
    tanemmirt

  7. Dda sliman anwa ur k nessin
    Si zzman aqdim
    Almi d ldjil n tura
    Isefra k zraan mmghin
    F yilsawen ttmirin
    D timsirin d tisura

  8. Abrid i d neǧred nuɣ it
    Nerna neqaɛd it
    Swayen is ilaqen
    Yalwa I isen yesfukti t
    D zzmam at nekteγ it
    Am ledjnas nnḍien
    Nerna nessekles it
    D tugniwin nettwalit
    S ttawilat ilaqen

Comments are closed.