Asmekti – YENNA DDA LMULUD AT MΣEMMER

6
377
DDA LMULUD AT MΣEMMER
DDA LMULUD AT MΣEMMER

Yenna Lmulud At Mɛemmerr : « Ass-a lewqat bedlent. Ur yezmir yiwen ad yeɣḍel idles n weɣref akka-kan εinani yernu s-rda n imawlan-is” Yunnag γer ccix Muḥend u Lḥusin, yugmed di tidmi-s lqayen aṣeγru n tafat akken ad-icerreg amendil n tatut w’ad-yeffeɣ ɣer tafat, amer talsa ad-ttẓẓer d-acu id tamuɣli n waqbayli ɣer timsal iccudden amdan ɣer wayeḍ, acu id t-yeqqenen ɣer tuddert, acu id t-yezdin ɣer yigenwan. Am akken id as-yenna Jean Lmuhub Σamruc:

Lḥif yugaren lḥif, m-ara nilli nella lamaεna amzun nɣab. Nettawi deg-ul tmurt n wid yedran, d-uḥulfu n tillin-nneγ yezdin, d uḥulfu n tarzeg s-war tilin n yixfawen nneγ. Tayematt id aɣ yesburen laɛnaya, tamurt d wakal ara yejemɛen deg yiciwi-s, d nitini id tafka iγ-iccuden ɣer ugni n war tilin nneɣ. Nezmer ad-ninni ma yehwayeɣ yewwi-yaɣ ɣer yixef n wasmi d-teflali tuddert. D nitni id aɣ-yeqnen ɣer kra akken id aɣ-inesren si gar iffassen. S wakka yettban belli innig akkwed unejli ilan kan d-udmawen n wayen iten-yugaren acku nnig timura deg id nettlal, ilaq anefreẓ lexyal n lǧennet yeγban. Di tilawt, kra yellan di dunnit d yiwen id udem-is !

Urar n tuddert akkwed d lmut, werǧin jlan deg tidmi n Mulud At Mɛemmer. Yeẓra deg tallalit talla tmattant deg tmattant tettilid tlalit. Kra ur yerwil ɣef kra. Leḥmala tetterwed lkerh, lkerh yettnawal tayri. Seg ixef n-ta i-yettewweḍ wul ɣer yixef n tihin.

Yenna Lmulud At Mɛemmer :

Xas yemgared udem n lmut, lamaɛni i-merra udmawen-is d imasasen. Maca yella lmut yugaren yak wiyaḍ, d tamettant n yidles. Tagi d-timurseɣ ur nesεi amtil acku tella-d mgal rzana ireznen. Nezmer ad –as nkellex i-kra yellan s wawal yezazalen tikerkas, nezmer a-nezuzen tuddert s-ubeḥri n leɣrur, maεna du laqrar tilwat aɣ-tettef ger tuccar-is”

Lmulud At Mɛemmer, yeẓra ansi id itek ubeḥri n leɣrur. Mi nzan yergazen, m’iten-iɣur uṣurdi ttuɣalen d aâakkwaz n lbaṭel yeseqdac udabu mgal wid yettnadin ɣef tafat. Yeẓra diγ xas ihuz yiffer n useklu s’waɣu n ẓur id iṣuḍen, ma yersa uẓar degw akal ur yelli d acu ara t-yesenquqlen.

Yenna Lmulud At Mɛemmer :

“Teqqard-as wihin iccennun timuzɣa d acu id iswi-s ? D tidett cennuɣ timuzγa. Idles amaziɣ d ayla-w. Maaa ḥader ad tettuɣ belli ula d kečč id as-yekren d’axsim dayla-k. Tamaziɣt d yiwen wudem n timadit nneɣ, tebɣiḍ neγ tuggiɣ. Trennu azal i-nekwa nneɣ, tga-yas ccan, tessu zdates abrid n tneflit. Γef waya d’lwajb-iw (am akken d lwajb-ik ula d kečč) mačči kkan ad-neseḥbiber fell-as, lamaɛni as-negg yakw allalen s-wacu ara tefti wa ad-tenerni”

Lmulud At Mɛemmer iger tamuɣli ɣer zdat. Γer uzekka, acku yeẓra belli azekka, ibeddu ass-a. Ayen ibeɛden di tidep yeqreb. Ayen yellan d awezγi ikennu zdat n lebγi n yemdanen. D-irgazen d-tulawin ibennun taγerma, mačči d taγerma irefden igduden. Win yebɣan yiddir yemmet, win yebɣan ad-yemmet tewwid ad yidir.

Yenna Lmulud At Mɛemmer :

“Ticki ddant timsal mxalfa am laâwayed nsent. Ticki deṭfent di neqma i-wemdan, ticki abrid deg leḥuγ yessawen, zmumeg-as i-wugur tɛediḍ, γurek ad-tareḍ aḍar!
Xas kra teεniɣ yuggi ad yeddu akken tebγiḍ, ur’as ttɛemid i-facal ak-yeṭtef afus. Xas kulci imal, yettban yeẓay acmumeḥ n waggaḍ ɣer yiswi ur tezriɣ melmi ad-yaflali. Tuddert tessewhem s-ssin n wudmawen-is: s-rrebḥ-is akw d lexṣara-s.Qqaren d dwem i-iqeɣεen lewhem”

Facal yegguni amdan imi rqiq lḥal. Ma ɣer at-rẓana d ûûber, rran belli simmal tkerres, simmal telha i tulɣa. Yal accudu mexdum akken ad yefsi !

Yenna Lmulud At Mɛemmer :

Acku
Ticki fad yeseḥreq deg ulawen
Ticki laẓ igezzem deg yiẓermen
Zun akken n rennu asɣar i tafa
Γer tagara…
Yiwen usγar seg uffus n wakli
Yezmer ad yessiɣ
Deg genni n rebbi
Deg ulawen n lɣaci
Times Tin ur nxetti.

At Sliman Ḥamid

6 COMMENTS

  1. Ṛebbi a k-yerḥem a Dda Lmulud

    A yir lexbar i d-yewwḍen, ass-nni lḥedd tameddit.
    Ḥeznen merra Imaziγen, wid iḥemmlen tajaddit;
    D Dda Lmulud i yemmuten, yefka-n azal i tnaṣṣlit.

    Ḥaren merra lγaci, γef tmurt ad yalli wass
    Wwin-d tugdut tilelli, ad meslayen mebbla tillas
    Ziγen lmektub yugi, Dda Lmulud akk d lhedra-s

    Yessdukel-d imeslayen, s amawal i ten-yerra
    Yesskefel-d imedyazen, widak ur n-twassen ara
    Yerna-d tajerrumt i kemmlen, akken ad nelmed tira

    Γef Tmaziγt yeṛwa cedda, deg wasmi i d-yekker
    Udem-is iγab γef tarwa, isem-is d lebda yedder
    Lεahhed a t-nefk ass-a, d abrid-ik ara neḍfer.

    (d tizlit i teccna, Massa Bucafa, d asmekti n tmettant n Dda Lulud At Mεemmer

    « Yuker ḥedreγ, yeggul umneγ » d aḍris yura Dda Lmulud, ar taggara n weḍis yenna: Degmi ilaq ad nesnemmer aṭas deg wid yeddmen imru i wakken ad aγ-inin s Tmaziγt tidet-nneγ, deg umur n tkerkas n wiyiḍ, deg umur n tmucuha swayes id ay-ssedhuyen acḥal aya ur nuki

  2. Ṛebbi a k-yerḥem a Dda Lmulud

    A yir lexbar i d-yewwḍen, ass-nni lḥedd tameddit.
    Ḥeznen merra Imaziγen, wid iḥemmlen tajaddit;
    D Dda Lmulud i yemmuten, yefka-n azal i tnaṣṣlit.

    Ḥaren merra lγaci, γef tmurt ad yalli wass
    Wwin-d tugdut tilelli, ad meslayen mebbla tillas
    Ziγen lmektub yugi, Dda Lmulud akk d lhedra-s

    Yessdukel-d imeslayen, s amawal i ten-yerra
    Yesskefel-d imedyazen, widak ur n-twassen ara
    Yerna-d tajerrumt i kemmlen, akken ad nelmed tira

    Γef Tmaziγt yeṛwa cedda, deg wasmi i d-yekker
    Udem-is iγab γef tarwa, isem-is d lebda yedder
    Lεahhed a t-nefk ass-a, d abrid-ik ara neḍfer.

    (d tizlit i teccna, Massa Bucafa, d asmekti n tmettant n Dda Lulud At Mεemmer

    « Yuker ḥedreγ, yeggul umneγ » d aḍris yura Dda Lmulud, ar taggara n weḍis yenna: Degmi ilaq ad nesnemmer aṭas deg wid yeddmen imru i wakken ad aγ-inin s Tmaziγt tidet-nneγ, deg umur n tkerkas n wiyiḍ, deg umur n tmucuha swayes id ay-ssedhuyen acḥal aya ur nuki

  3. ayen ighdeyejja da l’mulud macci d’ayen ar ad nettemkti si tesweet gher tayedd,ilaq d’ayen s wacu ar anettidir uwara anesidir yal as.

  4. ayen ighdeyejja da l’mulud macci d’ayen ar ad nettemkti si tesweet gher tayedd,ilaq d’ayen s wacu ar anettidir uwara anesidir yal as.

  5. Tanemmirt γef tejmilt -agi i s-terriḍ i Dda Lmulud, argaz swayes ara izux ugdud amaziγ di yal tallit.
    D aḍris yelhan aṭas xas akken llant deg-s kra n tucḍiwin di tira

  6. Tanemmirt γef tejmilt -agi i s-terriḍ i Dda Lmulud, argaz swayes ara izux ugdud amaziγ di yal tallit.
    D aḍris yelhan aṭas xas akken llant deg-s kra n tucḍiwin di tira

Comments are closed.