Ass amaḍlan n wegrud.

4

Deg useggas 1995 i tessuli tmendawt Tafransist 20 Nunember d  »
ass amaḍlan n uḥuddu d usuffeɣ n yizerfan n wegrud « .Ass-agi agreɣlan
,d tagnit i yibeddi ɣef yiɣeblan akked lbaṭel i yettuseqdacen ɣef
yimecṭaḥ deg umaḍal.Ass-agi daɣen d win ara iεerḍen ahat ad yesselḥu  »
amsisi agreɣlan n yizerfan n wegrud « .

Amsisi agreɣlan n yizerfan n wegrud ,d aḍris n 54 imagraden i
d-suffɣen waɣlanen yeddukklen di 20 Nunember 1989 ,tettwekkid-d d
akken agrud mačči kan d amdan iḍeεfen yeḥwaǧen aḥuddu maca d amdan
yesεan azref akken ad as-tettunefk tɣuri ,tujjya ,aseḥbiber anda yebɣu
yili wemkan i deg ilul.

Daɣen yesεa azref ad yedhu ,ad yurar ,ad yelmed wa ad d-yini.
Amsisi yettwaqbel si 191 n tmura ɣef leḥsab n 193 ;ala tamurt n Ssumal
akked tin n Lwilayat yeddukklen ( Marikan ) i yugin ad qeblent.

Xas akka yella-d umsisi n yizerfan n wegrud ,ddeqs i s-imazalen akken
ad yesseḥbiber maḍi ɣef yimal n umaḍal rnu ɣer-s leqdic deg wannar
,ladɣa di tmura skerfen idabuten am Tmurt n Yiqbayliyen anda yessa
lbaṭel i wegrud uqbel ad d-yeffeɣ si tadist ;iles ,taɣlist ,imal
,tadamsa ,tasreḍt…atg d uguren i ileqqem udabu n Lezzayer di Tmurt n
Yiqbayliyen akken ad as-gren iɣallen i wegrud Aqbayli mi ara d-ilal.