Ass n 14 di yunyu d ass n tegmatt, d ass aɣelnaw aqbayli

2

Ɣef wegdud aqbayli ulac d acu ur nεedda ara; Tamurt n Yiqbayliyen tuɣal d annar i texnanasin n Lezzayer, tuɣal d ul ijemεen lejruḥ n Lezzayer, lejruḥ n temnaḍin n tmurt n Lezzayer. Tikerkas i wimi teεreq tansa ɣer tmurt n yiqbayliyen ara d-afent abrid.

Aṭas i aɣ-nnan : » ur tessinem i tegmatt, tettilim kan d atmaten di lhem, di cwal, aqbayli d aεedaw n waqbayli…artg » Bennun deg-neɣ aɣunfu n yiman almi i ten-numen, almi nɣil d tidett. Aṭas n yiqbayliyen i yewwi wasif n leɣlaḍ, i yewwi uḥemmal n yir awal, almi ula d icennayen, inaẓuren ddan di lɣlaḍ ; ceččayen lkarh n yiman almi i aɣ-zzuɣren yid-sen, yuɣl-aɣ d aɣanfu n yiman.

Mačči d agdud i yugin tagmatt, i tt-yugin d isertanen.
Ayen ixdem yiwen n wemdan, ad t-id-rren ɣef wegdud s lekmal-is; yettwaxdaε Umerri, d yir amdakel-is WASEL Ɛli it-xedɛen mačči d agdud aqbayli.

Igduden n ddunit merra sɛan ixeddaεen, ulac axeddaɛ neɣ agdud yugin tagmatt!

Wid i d-yeqqaren awalen-agi: “ iqbayliyen warǧin ad dduklen, iqbayliyen ugin tagmatt…” d nutni i tt-yugin, d nutni izerɛen cwal, beṭṭu deg ulawen.

Adabu yekkat s wayen akk i as-tefka tezmert-is i wakken ad ineɣ laman i yellan deg waqbayli. Yekkat s nnig tezmert-is i wakken ad isluɣ assaɣen i yezdin agdud aqbayli am yiwen. Yekkat s wayen yufa i wakken ad ineɣ tagmatt, tikwal yettaweḍ alama yenɣa atmaten awi-d kan ad temmet tegmatt.

Maca, aqbayli yeẓra belli lexdeɛ ur d-itekk ara si laman, lexdeɛ itekk-d seg yir amdan.

Ass n 14 yunyu deg useggas 2001 i beggen-d tagmatt i yellan deg yiqbayliyen, ibeggen-d lebɣi n wegdud, lebɣi n waqbayli ad yili d agdud yedduklen. Ass n 14 yunyu d ass n tegmatt, d ass iḍebɛen deg umezruy n Tmurt-nneɣ: TAMURT N YIQBAYLIYEN.

Irneten Murad

2 COMMENTS

  1. tella tegmatt ger yeqvayliyen,ama di tudrin,deg drumen,deg la3ruc,deg t&iwwant deg tmurt n yeqvayliyen merra.d’agdud,quoi!ma3na uyumi ixxus uwanak! »un etat,un etat kabyle!pourquoi pas!akka idd nan ula &ef udayen,asmi uqvel ad s3un tamurt i yimanen n’sen »l’israel » llan akka nella nekkwni s yeqvayliyen as-aggi.segg-mi is3an tamurt n’sen,tenerna tegmatt n’sen,vnan tmaurt n’sen,as-a aten ad gar imzwura deg umaddal!i,i-nekkwni,ayen alla,d’imadanen s lekkwmal nne& i nella macci d les3/4.non?ihhi eyaw!.

    • Anwa akka yettun tadyant yeḍran ass n ukkuẓ d mraw di yunyu? yettwet wegdud yettwaḥqer ur yesεi awanek ara t-iḥudden, teγli-d lwehma d tugdi meqqren, iḥuss i temnaḍin nniḍen tassa medden ur d-tuḥnan fell-as, yesla daγen mi s-qqaren ccah!  » yiwet tikkelt kan i tettεeddi γaf uccen, mačči snat tikkal »

LEAVE A REPLY

Please enter your comment!
Please enter your name here