At Yeḥya Musa – Yuker ḥeḍreɣ, yeggul umneɣ

3
222

D ayen yessewhamen ! Ugar n useggas-aya, aman ur d-kkin tiberninin deg yixxamen n kra n tudrin n tɣiwant n At Yeḥya Musa Maca takebbanit Tazzayrit n waman (ADE) tḥettem ɣef yimdanen ad xellṣen ayen ur ççin (ur swin ara) imi tettkemmil aceyyeε n tewṛiqin n lexlaṣ yerna d wayen ur stenfeεn ara.
Seg waya, ad nefhem belli adabu Azzayri ur yecfiq yiwen; zik yelha-d kan deg tukksa n yidles d tutlayt i Yiqbayliyen, ma d tura yezzi-d ula ɣer tedrimt-nsen, imi yebɣa ad ten-yerr ɣer zzman-nni n leḥkem Aḥerki, i sen-d-yesnulfan tabzert ur nelli.
Yiwen gar yimezdaɣ inuda ɣef tidet, yufa-d belli yettxelliṣ abeḥri deg umkan n waman dɣa yessuter seg tkebbanit-a n waman ad tekkes isem-is akken ad teḥbes tikkin-ines ɣuṛ-sen; amezdaɣ-a (Ahmed.A) yewhem mi s-ugin yimdebbṛen ayen yebɣa acku εlaḥsab-nsen ur qebblen lkaɣeḍ wala ayen-nniḍen,takebbanit tessegra-yas-d awal d akken ilaq kan ad yeǧǧ isem-is xas ma d abeḥri i iḥettben acku akka i d-yeqqaṛ lqanun.

3 COMMENTS

Comments are closed.