Kra n ddqayeq kan i yellan ger lkar akked d tayeḍ,d ayen yessefraḥen imezdaɣ n temnaḍt-agi yenxessen mliḥ deg usiweḍ iseggasen iεeddan, maca ttawilat n usiweḍ akk n At Yeεla steɛfayen ass n Lǧemεa.
imezdaɣ ttarran llum ɣef imawlan n lkiran imi yella-d umsefhem ger-asen akked uselway n ddayra akken yal Lǧemεa ad yessawaḍ yiwen seg-sen snat n tikkal.
Seg tama nniḍen,aseεlem neɣ aḥric n tɣamsa deg At Yeεla,yesεa uguren yeqqnen ɣer weḥric-a n usiweḍ, imi s lkiran i d-tettaweḍ tɣamsa seg temdint n Bugaεɛa ibeεden 35 ikilumitren, d ayen yeǧǧan ssuma n uɣmis tewweḍ 15 idinaren ; ternu ala krad n yiɣmisen-a : Lxaber, Ccuruq d Liberti, i yettilin deg tḥuna, tikwal akka itecceḍ-d El Waṭen.
Dɣa deg wass n lǧemɛa ulac-it maḍi, imi ulac ttawilat-a n usiweḍ iɣef d-nemmeslay.
