Di 2008, yettusemma 15 Tubeṛ d ass agraɣlan n tlawin tifellaḥin almi d aseggas n 2012 i yuɣal yisem-is d ass agraɣlan n tmeṭṭut n laryaf.
D Agraw n Waɣlanen Yeddukklen i yellan deffir n usbeddi n uzemez-a deg wagur n Tubeṛ, s leεnaya n yizen n uselway-ines « Ban Ki-moon » i yerran lwelha ar wazal n tikci n timanit i tlawin akken ad yettuḥareb laẓ akked tẓiwelt deg umaḍal ladɣa ibeddi akked useḥbiber ɣef tlawin n laryaf d ayen ara imenεen taxelqit si cceddat n tgella.
Tilawin yettidiren di laryaf sεant azal meqqṛen deg tdamsiwin n tmura i yellan deg ubrid n unegmu acku ttɣummunt ayen ara d-irennun lexṣaṣ n tmura-yagi ama d ttawilat n waman, tagella, yerna d nutenti i d-iceɣlen s yimdanen yeddan di leεmeṛ akked ttṛebga n warrac; ayagi yesnifsus taεkemt ɣef tdamsa akken ad d-telhi d wayen-nniḍen.
Tajmilt n tlawin n laryaf yugar-itt leqdic-nsent i yettikkin si gar tgejda n usnerni akked useǧhed n tneflit n umaḍal.
