Atan yeffeγ-d ussan-a Li Mučuču 2

0

Mebeεd ssuksi i yexdem yakan lfilm n Li Mučuču 1, atan yeffeγ-d ussan-a Li Mučuču 2 ara yilin d akemmel i umezwaru. Lfilm-a n lkarṭun yellan di laṣel-is s tegnizit qqaren-as:{« Alevin and The chipmunks »}, yelḥa mliḥ di yakk tamnaḍt n Leqbayel, am wakken i lḥan yakan wiyaḍ ama d Puči, Dda Spillu neγ d Qezbul i d-yeffγen daγen deg ussan-a iεeddan.
Aya yella-d mebla ccek imi i ixus neγ ulac ukeyya di tmurt n Lezzayer leqdic n usnulfu di sinima ladγa lfilmat n yimeẓyanen, ayen i yeǧǧan kra n yilmeẓyen i iḥemlen asnulfu di sinima ad tt-dewren γer ddublaj n lfilmat yellan yakan s tutlayin tiberraniyin. Ger yilmeẓyen-a i ixeddmen ddublaj, ad nebder Tighilt Rachid netta akked yimdukal-is n ustidyu Tamuγli neγ Studio double Voice yellan di Micli. D nutni i d-yessufγen Li Mučuču, uklalen aṭas asnemmer.

Mokrane Chikhi

LEAVE A REPLY

Please enter your comment!
Please enter your name here