Ataya yebrir

0
193

Ataya yebrir, heggit-d lɣiḍa akked teɣratin. Ataya yebrir, ur tettut ur sen-qqaret arrac n tefsut!

Ma yella ɣur-wen” d arrac n tefsut”, ɣer imawlan-nsen” d arrac ittwaɣedren di tefsut”. Ceḍḥet, cnut, lferḥ yettufaras! Tudert yiwet mačči snat.

Ur tezzit s iẓekwan, ur ttmuqulet aɛiban, mulac deg-wen ad d-ssakin ayen akken ttagaden wid i ten-inɣan!

Ataya yebrir, dmet-d tiqbucin d tbuqalin, iqardacen d ixabbacen, tiqendyar d lefwaḍi, akken ad tcebḥem tagnitt.

Ataya yebrir, s usmekti ara nettu. S usfugel n tatut is-ar-ad nfeggel tafsut. ɣef yedles nessa adles, nsedreg-it nesakan-d ayen kan yesedhuyen allen!
Ataya yebrir, seg-s usemen ula d magu d yunyu.

Huc ay aqbayli aɣris akken ad tnefɛeḍ aɛeddis!