Azul fell-ak ay Azul! Ttxil-k qim yid-neɣ!

3
668

(Tamurt) – Iseggasen-a ineggura yeḥsel-aɣ uqerquc deg taɣuct. Ur neẓri d acu yeḍran di tudrin-nneɣ. Ilemẓiyen ttun awal „azul“, rran deg wemḍiq-is awalan n taɛrabt.

A sen-yini yiwen «azul fell-awen», nutni a s-rren s „salam“. Anida yedda yiwen ad isel i «Salam uɛlikum», «anɛam», «ncallah», «ḥamdullah».

Ma d awal «Azul» atan am akken rran-t ilemẓiyen-a tura ɣer waddaynin. Awalen-a n taɛrabt nttan deg wallaɣen n waṭas n tarwa n tmurt-nneɣ. Am akken Aɛraben nnan-aɣ: „Amaziɣ iran a d „yemɛen“ yessefk ad yemmeslay s taɛrabt“. Amzun awalen-a n taɛrabt ɣur-sen azal ur sɛin wawalen s tezwawt.

Yak azal n wawal «anɛam» d azal kan n wawal «ih» s tezwawt, mačči d ayen-nniḍen. Tasertit taɛrabt n udabu tsudd deg waṭas n tarwa n tmurt-nneɣ i d-yeffɣen seg uɣerbaz adzayri. Ihi yad yeǧǧan awal «Azul» ahat ur ẓrin ara s wakka ǧǧan abrid n tikli ɣef tutlayt-nneɣ i wakken ur tnegger ara kra n wass.

Azal n wawal «Azul» d agerruj di tutlayt-nneɣ tazwawt.
Awal-a «Azul» fessus yernu yecbeḥ, yemleḥ.
Awal-a «Azul» yeskanay di tazwara yakan umeslay akkd medden, belli ula d nekni ɣur-neɣ tutlayt yelhan. Ihi azul fell-ak ay «Azul» Ttxil-k qim yid-neɣ!

Akli Azwaw, ass n 07.10.2016

3 COMMENTS

  1. Tenmirt i Dr. Akli Azwawi, di tira ines. Azul dawal n Tamazi&t, illa di tmeslayt ne&. Azul iruha& di isegasen i3aden, di 1980 yu&aled, amaken ib&a ad i&ib tura, dacu ad ider. Tikli ar Azat, Azul ad Ider!

  2. Tenmirt i Dr. Akli Azwawi, di tira ines. Azul dawal n Tamazi&t, illa di tmeslayt ne&. Azul iruha& di isegasen i3aden, di 1980 yu&aled, amaken ib&a ad i&ib tura, dacu ad ider. Tikli ar Azat, Azul ad Ider!

  3. Tenmirt i Dr. Akli Azwawi, di tira ines. Azul dawal n Tamazi&t, illa di tmeslayt ne&. Azul iruha& di isegasen i3aden, di 1980 yu&aled, amaken ib&a ad i&ib tura, dacu ad ider. Tikli ar Azat, Azul ad Ider!

Comments are closed.