Bgayet: Aneḥbus n ixeddamen n tɣiwanin ɣef uxeddim

0
187

Lagrib i ḍefren merra yixeddamen n tɣiwanin deg lwilaya n Bgayet. Iḍelli, atug yewweḍ ɣer 100/100, i daɣ-d-yefka yiwen n ssandika.
Am yixeddamen akk n lwilayat‑nniḍen, wid n Bgayet ssuturen timerna deg tjernaḍin-nsen, d tegnatin igerrzen deg uxeddim.
Ixeddamen n tɣiwanin deg tmurt-nneɣ ssufrin nezzeh ladɣa deg wayen yerzan tazmert n tiɣin…

Ihi ssuturen ad d-tili tmuɣli iseḥḥan deg wayen ssuturen, iɣiwanen n Bgayet ttcetkin ɣef uḥizi-nsen; ula deg tmerna i d-yellan deg tjernaḍin n yixedamen n yiḥricen-nniḍen, nutni ur ten-id-isaḥ ucemma !

« Ixeddamen n tɣiwanin, mačči akk d tijernaḍin i ttaɣen, maca ddaw n waya » i yaɣ-d-nnan kra n yixeddamen-a. 8000 DA mačči d ayen s ara yidir yiwen xersum deg teswiɛt am ta !

S wakka, ixedamen n tɣiwanin n Bgayet, ṛeggmen ad kemmlen tigawin arma tella-d tririt ɣef wayen i ssuturen s lemɣawlat :
– Aɛiwed n tmuɣli deg tjernaḍin-nsen akken ad sɛun tazmert n tiɣin.
– Aɛiwed n tmuɣli deg lasiruns-nsen d tuffɣa ɣer lantrit war tiwtilin (conditions).

– Asemmi s wudem unsib n yixeddamen iwumi swan tidi-nsen s rebɛa duru acḥal d aseggas !