S ufus n tidukla Tiwizi, imezdaɣ n Iḥeddaden Ufella, di temdint n Bgayet, nejmaɛen iḍelli ssbeḥ, zdat n wexxam n lwilaya i wakken ad sutren, deg terza temsalt, akken ad qeεden abrid yettawin ɣer lḥuma-nnsen.
Ugar n 500 d aterras i d-yussan ad kkin di tbeddit-agi. Ayen i ten-id isemlalen d agi, d aɣbel n webrid-nnsen yenṭerren ugar. Abrid yuɣal yesɛeb i tikli mačči d kra! Ula d takerrust neɣ akamyun ur zmiren ara ad ddun deg webrid-agi. D ayen i yernan di zzɛaf n imezdaɣ-agi; imi ur ttafen ara ttawil s wacu ara qablen imuḍan-nnsen akked tlwain yeṭfen s waddud.
C.W
