Bgayet: Ilmeẓyen war axeddim deg ubrid

0

D iɛecraten n yilmeẓyen ur nesɛi ara imukan n uxeddim, i yelḥan ass-a n letnayen deg yiberdan n Bgayet, ssuturen lexdami d tjernaḍin.
Tikli-ya tebda-d seg « katecman » ɣer uxxam n lwilaya anda i d-yella yiwen n unagraw.

Ilmeẓyen-a ɣef wakken d-qqaren, ssuturen kan lexdami akken ad ḥulfun s yiman-nsen d « At n tmurt », wwten-d s leqseḥ deg ttmesxir-nni i d-tga ddula am l’ENSEJ, ixeddimen-nni n rebɛa duru anda tessen tidi n yimdanen. « Nekni s wid ur nesɛin ara lexdami, ur nebɣi la wid ara yesserɣen iman-nsen, la wid igezzmen ilel ygellu s terwiḥin-nsen ! »

Win ur nesɛi ara lxedma, yezmer ad ikcem deg yir timkeččmin am tkerḍa, lehyuf, timenɣiwt,…d teggdi n waya ara ɣ-yeǧǧen ad nger tiɣri ɣer wid terza temsalt deg lwilaya, ad ddmen tamsalt-a s wudem iseḥḥan » i d-yena yiwen seg wid yukkan deg tikli-ya i umceyyeɛ n « Siwel ».