Ass-a, lǧemɛa 21deg waggur n ṭuber, d imezdaɣ n lḥuma n Ṭubal akked lḥuma n Sidi Aḥmed di temdint n Bgayet i d-yesseknen lɣiḍ-nnsen mgal imḍebren n tɣiwant n Bgayet. Imi iḍelli deg iḍ yugi yiṭes ad ten -id-yass s tegdi n ugfur i d-yeɣlin iḍelli n lexmis ɣer wass-a n lǧemɛa.
Imezdaɣ-agi tkecmi-ten tegdi seg iḥmula yuzlen. Aman alarmi d tigecrar, syin aman kecmen ɣer yixxamen. Imezdaɣ-agi nnan, d akken d imḍebren n tɣiwant ur d-lhin d uberruz n lfusyat.
Timjiryin yellan yakan qeflent. Γas imezdaɣ gren tiɣri acḥal d tikelt i yimḍebren akken ad frunt aɣbel n temjiryin? maca ayagi ur d-yeḍri ara.
