Bgayet: Tajmilt i ccix Lmehdi akked terbaεt lxalat

0

Ass n ssebt 27/11/2010 i yebda wahil i d-yellan deg uxxam n yedles n Bgayet (Ṭawes Σemruc) ɣef ccna n teqbaylit, anda ad s-rren tajmilt i Ccix Lmehdi d terbaεt n lxalat.

Tafaska fkan-as isem n « Yemma Guraya deg tmeɣra ». Ahil d amerkanti, ad yeqqim azal n 6 n wussan. Leqdic ad yili deg uxxam n Yedles n Bgayet anda tella yiwet n tmeskant ideg llant tewlafin n yicennayen iqbayliyen mucaεen am Meεṭub Lwennas, Sliman Σazem d wiyaḍ.

Tella daɣen temsizelt ara d-yilin gar trebbuyaε ad d-yasen mkul amḍiq di tmurt n Yeqbayliyen: si Bgayet, Tizi wzzu; Tubiret; Bumerdas; Burǧ Buεririǧ, Sṭif akked Lezzayer.
Akken daɣen i d-ttuheyyan waṭṭas n isaragen.

{{Ahil n tfaska :}}

{{28/11/10:}}

16:00-18:00 Askasi « iverdan n lebḥer ».

18 :00 Aεeddi n trebbuyaε n Bgayet d Lezzayer (Timsizelt n uẓawan)

Tameɣra akked Azal Belkadi d lakural Tiliwa i d-yeddan yid-s.

{{29/11/10}}

16:00-18:00 Asarag « Lebḥer deg tmedyazt » ara d-yawi Mass Limobram

18 :00 Aεeddi n trebbuyaε n Bgayet akked Tizi Wezzu (Timsizelt n uẓawan)

Tameɣra akked Lwiza d terbaεt Nezal

{{30/11/10}}

16:00-18:00 Asarag « Akin i lebḥer » ara d-yawi Mass Ԑli Sayad

18:00 Aεeddi n trebbuyaε n Bumerdas akked Tubiret (Timsizelt n uẓawan)

Tameɣra akked Masi

{{01/12/10}}

16:00-18:00 Askasi « Anamek n lebḥer ɣer iseyyaḍen n Tmurt n Yeqbayliyen i d-yezgan ɣef yiri n lebḥer » ara d-yawi Mass Σezdin Belεid.

18 :00 Aεeddi n trebbuyaε n Sṭif akked Burǧ Buεririǧ (Timsizelt n uẓawan)

Tameɣra akked Lani Rabeḥ

{{02/12/10}}

Tajmilt i Ccix Lmehdi akked terbaεt lxalat

Tikci n warrazen i wid d-yufraren

Tameɣra n taggara akked Ccix Sidi Bémol.

LEAVE A REPLY

Please enter your comment!
Please enter your name here