Tameddit n wass-a 10 meɣres, teḍra-d yiwet n twaɣit n ukaṛṛuṣ ɣef 16h30 di Bir Sslam, kra n ikilumitren ɣef Mellala di lwilaya n Bgayet, ger yiwen n lkar akked ukamyun.
Tawaɣit-agi tegla-d ma drus 15 n imejraḥ, sin di ḥala yenḍerren aṭas, atnan di lkuma deg Ṣbiṭar n Xellil Ɛemran.
Sebba n twaɣit-ayi, d akamyun n « double pont » yebɣa ad idewwer deg webrid ɣer temdint n Bgayet ikcem deg-s lkar n Tmezrit n ssenf Toyota.
