Catalonia : Tugtut mgal tilelli n weɣref

0
690

Nnan di tmura anida tella tugdut, ur yettrusu ara uzaglu ɣef iɣerfan yeddren deg-sent.

Ayen yeḍran di tmurt Takaṭalant ass n 01.10.2017 yessken-d annect-a mačči d tidet. Inkaṭalanen effɣen ɣer wefran iwakken aɣref-nsen ad yesɛu tagduda am nutni am iɣerfan-nniḍen.

Adabu n Madrid netta yenna, annect-a warǧin ad yeḍru. Dɣa yessufeɣ-d tamsulta taspenyulit, teɣli ɣef Ikaṭalanen, ɣef tkaṭalanin s teɣrit, skecmen aṭas deg-sen ɣer sbiṭarat.

Uzzlen idamen n yad yettazzal s talwit ɣef izerfan-nsen.

Adabu n Madrid ur yecliɛ di tugdut, ur yecliɛ deg izerfan n weɣref akaṭalan yettazzalen s talwit iwakken ad yili d ilelli, ad yessudes tamurt-is s yiman-is, war « leɛnaya » n Madrid.

D acu kan Ikaṭalanen mačči d „la Čiči“. Ɣur-sen swacu ara ad sbedden tagduta- nsen. Ɣur-sen yakan tadsimant (timanit). Ikaṭalanen umnen s yiman-nsen d aɣref illan. Tamurt-nsen tbedd yakan ɣef tgejda n tegduda. Tutlayt-nsen d tutlayt n twuri di tmurt-nsen. Ɣur-sen awanek amnaṭ neɣ adigan.

Aɣref i yumnen s yiman-is d aɣref iyella, akken tebɣu tella tmara, kra n wass ad ireẓ azaglu, ad yessiweḍ ɣer yiswi-s. D acu kan yessefk ad yesɛu kra gar ifassen-is.

Sɣur Akli Azwaw