Ccwal ɣef tmezgidiwin d leǧwameε deg Tmurt n leqbayel

3

Deg taddart n weɣrib d tajmaɛt n taddart i yesdermen lǧameε amaynut i wumi tekker s lebni yiwet n tiddukla tadeyanit n taddart agi. Snat n tedyanin agi ahat mgaradent deg waṭas maca ad yili wayen ara tent yezdin.

Taluft n usraɣ n tmezgida “tafat” d ccwal aḥerfi i s ara yessetḥi yal win yettasmen ɣef lεerḍ-is d tnekkit-is. Maca afus n udabu d ihuẓiyen inselmen iban yetteka. Mačči d tiklet tamenzut i kkren ɣer ccwal. Tin ɣer-s, adabu n lezzayer, isereḥ-asen ad kemmlen ayen yebda netta s timmad-is aseggas yezrin. Ilindi, amaḍal akken ma yella yesla mi ḥebsen tamsiwt nni n Tyaret imi tewwi yid-s n yenǧilen n imasiḥiyen.

Tadyant n taddart n weɣrib temgarad kra. Tajmaɛt n taddart, terfa imi arbaε agi n tidukla, ur tt-cawren ara. Nettat tebɣa ad seggmen lǧameε aqbuṛ n taddart, nutni ttnadin ad ssalin amaynut ara d yezgen beṛṛa n taddart u beṛṛa n leεnaya n tejmaεt. Tuddar n leqbayel akka i teddunt deg zik, d tajmaɛt i tent-iferrun. At tuddar qqaren “aεekkaz yewwten taddart, awer d-iyi yezgel.”

Maca snat n tlufa agi, yella wayen tent yesdukklen xas ulama mgaradent. Tuddar n leqbayel, ur sεint ara aɣunzu yecban wagi, yettawin ar usizzel n idammen d usraɣ.

Taggara agi aṭas n tuddar i deg d-yella ccwal d umgarad ger imezdaɣ ɣef lebni n leǧwameε. Kan akka a d tesleḍ sin neɣ kraḍ gan asenfar i lebni n lǧameε. Imir taddart ad tebḍu ɣef sin. Kra qqaren : “Nekkni nebɣa taẓallit”, kra qqaṛen : “ Mačči d aya i yezwaren ”.
Maca afus d yekkan ansi nniḍen yettbin. Tuddar n leqbayel yesqummec lḥif d lqella n uxeddim d wallalen n tmeddurt, uɣalent akk s leǧwameε. Laẓ tingaẓ, ma d kra ur walan ara tiwaculin yenḥafen, ur nessawaḍ ara a d-aɣent ayefki yal ass i warraw nnsent yttimɣuren s tmara. Acu i k-id-iṣaḥḥen ay aqbayli d lǧameε.

Maca taluft tameqṛant akk deg waya d taṛuẓi n leεnaya n wedrar d tuddar i wumi kkren wigi. Win yeffɣen i taddart, m’ur terrin ara s amkan-is d netta ara yessufɣen taddart. Tidyanin agi sbegnent-d d akken adabu d wid t-id ittalen qesden tura ad gren targit ar yiciwi n Tmurt n leqbayel akken ad yekker ccwal ger tuddar.

3 COMMENTS

  1. Akka i s teḍra i tmurt n leqbayel, yerra-tt Bouteflika s wazal 50 iseggasen ar deffir. Iswi iban am yitij
    d taruẓi n tuddar d imesdurar . Ass n wass-a anager timanit ar iselken tamurt nneγ seg taluft agi.
    Neεya deg usuter n yeγsan !

    • azul fell-awen, yella wanida i ssawḍen, a Berkus a gma, anda ṭṭfen ttbeddilen ansayen swayen ttidiren di tuddar Leqbayel, imi ara ssalin kan iparluren, ad ttεeggiḍen ass kammel, teẓriḍ ulac tazmert i d-ufan zdat-sen, degmi i la ttbeddlen ansayen n tudert swayes ttidiren Leqbayel, s wid n laxert s wacu ara mmten, ssxerben-asen allaγ i imeẓdaγ n tuddar,
      maca lğameε-a n Sidi Ğaεfer, ur ten-ğğan ara At Jennad a t-beddlen. Deg unebdu-nni yezrin, sliγ ttmeslayen yakan inaflasen n taddart-nneγ γef talluft-a n lğameε n Weγrib, qqaren dinna yesseḥrac-iten-id utalak-nni n Saεid Sadi.
      Dagi kan ara twaliḍ tlaq tsertit a d-tessekcem iman-is i wakken ad tessaki imdanen γef wayen i ten-yeggunin.

  2. ivan d’adavu igglan defir n twaghiyin aggi ,wamatilli anda llan widak yesserghen timezggida imasihiyen,ilaq ad ttuhevsen wadaedin di crae,widak id yekkren gher tadart degughriv d’aghen,
    ilaq daghen i yemddebren n tudrin ad sasin le dialogue ger yilmezzyen w asnemlen iverdan axatter wiggi idirwlen i rebbi ur ten ettqillin ara.

LEAVE A REPLY

Please enter your comment!
Please enter your name here