D acu i sen-yellan ɣur-neɣ?

4

Iqbayliyen ɣellin di txazabiyin; wa nnɣan-t, wa xeṭfen-t. Wa s leqsed, wa yedda di leɣlaḍ. Iqbayliyen ḥaren ɣef ayen ittidiren, ttemseqsayen, ɛerḍen ad fehmen ayen i d-iḍerrun, a d-afen ugur akken ad as-nadin tifrat, ur sawḍen ɣer wayen ibanen, iḍher-asen kulci yexleḍ.

Ufan-d iman-nnsen deg yiwet n tegnit « qqim-d ɣer ṭabla ad nesqerdec timsal ».
Aqbayli yezra adabu-ayi n lḥif, ur yezmir ara i tugdut. Iqbaliyen merra suɣen a yat laɛraḍ, adabu amesbaṭli iɛuẓẓeg. D tidett, adabu-agi akka i d isem-is « adabu amesbaṭli ». Γer Uqbayli adabu yekfa lmektub-is. Yif ad negren-t tudrin, ur inger ara lasel. Maca, yella waya, yella wayen yugaren aya. Ibaxixen i d-iḍerrun di tmurt n yeqbayliyen. Arraw n laḥram seɣlin-d rrehba deg iberdan d tudrin akked temdinin.

Γef annect-a Aqbayli ur yezmir ara ad yettu taqbaylit-is. Anda yebɣu yilli werǧin i tt-yeǧǧa di tmurt-is neɣ akin i lebḥer. Ass-a, Aqbayli iberreḥ i tikkelt-nniḍen. Imdanen akk fɣen yal wa s wacu. Begsen-d i lmuḥal. Sbedden taɛsast. Ur teẓriḍ din amek: adabu yexdem lbaṭel di tmurt n yeqbayliyen. Iqbayliyen rran ad segrirben aɣalaḍ-nni n lbaṭel.

Ass-ayi ma yella xedmen t-ayi alarmi tewweḍ tfidi s iɣes. S waya kan izemren a d-rren ttar. Ur bɣin ara ad walin wid izerɛen lmut di tmurt n yeqbayliyen.