d Nuwel ɣer irumyen – D lawan a d‑tili tegmatt d lemqadra ger Tisreḍtin deg umaḍal

2

Deg talit anda askasi ɣef tasriḍtin d win d‑yettuɣalen yal tikkelt deg tmetti n tmura-agi timasiḥiyin am tmurt n Fransa anda awal yettezzi-d di taggara-agi ɣef wawalen n tmeɣnast n ukabar n tama tayeffust tamṭarfit Massa Marine le Pen. D tin yebɣan ad teṭṭef taselwit n ukabar-agi iwaken ad tesbed iman-is ɣer tefraniyin n tselwit deg 2012 deg tmurt-agi. Tenna-d d akken inselmen i yettẓalan beṛṛa n Ljamaɛ, deg ubrid, cban ɣer twaṭṭfa-nsen n wakal, d izenqqan deg temdinin n fransa. Neɣ am usarag i d‑yellan deg Lpari ass 18 dujenbir 2010 mgal tisneslemt n Turuft, tama yessawalen i tnekkit tafransist, anda imeɣnas-is ussan-d si yal tama seg turuft ttɛeggiḍen d akken tineslemt ttin i ttgezzin tabraɣsant d wazalen n tɣerma tarufit.

Ass-a nettwali d akken cwal ger tesriḍtin di ddunit izad nezzeh u d win i d‑yessekfalen lgirrat-nni n zik ger tesriḍtin.

Ula ɣer inselmen imṭṭarfa ixedmen tixazabiyin d tinɣi s yisem n ddin: twalam akk d acu texdem tneslemt taderɣalt tamṭṭarfit deg tmurt n Ldzayer deg iseggasen n idamen.
Iseggasen-agi ineggura n ẓer tidyanin i d‑yessebganen iɣisi ger tesriḍtin-agi. Amdya ,tira ɣef iẓekwan ama si tama n inselmen, udayen neɣ imasiḥiyen, neɣ tamsirit i d‑yettilin s wudem n ddin i d‑yettilin ɣef iminigen di tmura n turuft, tafriqt …atg

Amedya‑nniḍen di tmurt n Ldzayer anda adabu ajazri s tmaccinin-ines ixebcen sya d sya, am teɣdemt war azref d lsas.
Di smana yezrin tsersed tugdi deg imasiḥiyen deg tmurt n iqbayliyen, anda ur tquder ara azref-nsen d wayen is iyumnen. 4 imasiḥiyen i skeccmen ɣer silul di tama Larbɛa N At Yiraten axaṭar imdanen-nni erra-n ixxamen-nnsen d adeg n tesriḍt tamasiḥit mebla ttesriḥ.

Ma neẓra d akken tamurt n iqbayliyen ur teḥwaǧ ara ttesriḥ neɣ ačiwer sɣur adabu amesbaṭli aya d ayen i d‑wekden imeɣnasen n umussu n timanit i tmurt iqbayliyen i yellan ɣer tama imeḥbas-nni. U d wid i d‑ibegnen lɣiḍ‑nsen ɣef lḥers i d‑yersen fella-sen. Aya neslat deg wawalen-nsen i d‑yeqqaren d akken tamurt n iqbayliyen ttin i d-yedren acḥal leqrun‑aya deg tugdudt d tebraɣsant d uqader n yal amdan d wayen i s iyumen .

Ihi ass-a tubẓa n imdanen‑agi ttin i d-ibegnen d akken ulac tilelli n wefran d wawal, d izerfan n wemdan di tmurt.

Agdud aqbayli d win yessawalen ɣer tegmatt ger tesriḍtin d yegduden di yal tamnaṭ di ddunit.
Awi yuffan imdanen neɣ imussnawen n ddin n tmetti di yal tama ad heggin timliliyen n tegmatt, wa ad mmeslayen ɣef cwalat d temsirit ger lejnas d tesriḍtin deg umaḍal. D usejhed n tegmatt ger yegduden s tririt n izrefan i wegdud yettwaḥeqren ad awi-n tilelli-nsen.