Anwa i yqeblen assa tifranin i d-iteddun? D deɛwessu! Aya, yezga-d ẓẓay aṭas ɣef wulawen n Yeqbayliyen ur nezmir ad ccumen ula d rriḥa n lbuṭ-nnsen. Agdud Aqbayli werǧin yumen adabu akken ad yeqbel tifranin n webrid-a.
Amezruy yettazzal. Agdud yebɣa ad d-yeɣrem iseggasen yezrin. Iseggasen-nni yettwakerfen s tkerkas, s laẓ, akked takerḍa, Aqbayli dayen yeɛya deg txidas-nnsen. Seg-asmi i teldi tebburt zaɛma i tugdut, xelqen-d ccwal n at ičumar, agdud yettidir di tegdi, yettwarez afus imi. Yal tanekra ad ttxenqen s yisem n ddin. Leḥkem amesbaṭli mazal ibedd d iseggasen-aya i wakken ad yeldi abrid i ijudar akken ad srewten, ad ččaren leǧyub, ad ttnernin deg zal deg iḍ,s ssif akked d wuzzal, agdud yefka-d tikufta.
Γlin yergazen akked tlawin , ɣlin ula d arrac imeẓyanen. Adabu yewwet ad yessames Iqbayliyen, ad ibeddel abrid ɣef wayen ttnaɣen.Agdud yettkemmil deg umennuɣ-is, ur yefcil ara. Amennuɣ yennerna, yeffeɣ ula berra i tmurt n yeqbayliyen, tufrared tidett. Agdud Aqbayli yerra-d ayla-s tura, yeɛqel abrid-is.
Agdud Aqabyli ur yettak ara tameẓẓuɣt i yimeslayen n udabu, yeẓra d tikerkas. Iswi n udabu ad rren agdud ur ifehhem ula deg tsertit-nnsen maca agdud imeyyez iwala, yeẓra ansa d-ttagmen yal deɛwessu.
Amezruy-nneɣ d amerkanti n wayen yeḍran. Lɛib n udabu iban-d, wid yerran agdud ur yessin ass-a yefka-d tamuɣli ines. Agdud aqbayli yenna-d awal-is uqbel tifranin: d ayen yeɛya di lekdeb imzenneq. D tawaɣit ! Γef udabu, maca d talwit ɣef wegdud aqbayli.
Crif Wanuɣi
Azul.
Mazal llan wid yettamnen tasertit n udabu. Γilen ad d-yekk rrbeḥ deg-sen. Yak gulen tamurt larmi qucent!
Akken yebɣu yili lbaṭel ad yennerni u yerna di tmurt n yeqbayliyen. Mačči d axdim imi d-stufan. D leǧyub-nnsen i ten-iceɣben. Walit kan di ḥala n tmurt n yeqbayliyen amek i d as-teḍra. D iɛdawen n tudert ur ten-ttamen-t. Am yella zzman n weqbayli? aka seg wasmi i d-yekker. Ayen i as-yeǧǧ udabu kemlen-as ikabaren! Yal yiwen anda ijebbed! yeggra-d uqbayli gar-asen ttiraren yisen lebda!!!!!!!!!!!!!!!!
Azul.
Mazal llan wid yettamnen tasertit n udabu. Γilen ad d-yekk rrbeḥ deg-sen. Yak gulen tamurt larmi qucent!
Akken yebɣu yili lbaṭel ad yennerni u yerna di tmurt n yeqbayliyen. Mačči d axdim imi d-stufan. D leǧyub-nnsen i ten-iceɣben. Walit kan di ḥala n tmurt n yeqbayliyen amek i d as-teḍra. D iɛdawen n tudert ur ten-ttamen-t. Am yella zzman n weqbayli? aka seg wasmi i d-yekker. Ayen i as-yeǧǧ udabu kemlen-as ikabaren! Yal yiwen anda ijebbed! yeggra-d uqbayli gar-asen ttiraren yisen lebda!!!!!!!!!!!!!!!!
Comments are closed.