Ddula n Balala !

3
238

A wid id aɣ-iḥekmen,

Ma yella ur tesinem ara azal n tugdut, agdud yessen d acu-t wazal n lbaṭel, ma yella tebɣam ad tisinem anga id d-ḥebbes tawant, agdud yeẓra anida yekfa llaẓ.

Teččam, agdud yelluẓ, ma yella terwam, agdud mazal yelluẓ, d laẓ n wallaɣ i ken-iččan i teserwam i wegdud. Terram tamurt d tiẓgi; leḥbas, ddel, lḥif, lmut d wayen nniḍen. Tesgnem agdud ɣef inijel, asummet-ines d azzu, lqut-ines d laẓ, tisit-ines d imetman ma yella d iḍes-ines d buberrak. Tesderɣilem-t s wayen ila d as-d-zakanem, tesɛuẓgem-t s wayen i la d as-d-qqarem.

Awid id aɣ-iḥekmen !

S tmuɣli n ukesar d usawen i la d aɣ-d-ttwalim, kenwi deg genni nekni di lqaɛa. Wissen kan ma yella teẓram belli s kenwi yellan usawen, dinna i yezdeɣ wegrireb, yegguni-ken ukessar, akken id aɣ-yegguni usawen…

Terram zzeṛb i tlelli d tugdut, tebnam leḥbas, tzerɛem lmut, acku teẓram tilelli d tugdut ad illint neɣ ad tillim, ur yelli wennar ara ken-yezdin. Tugdut d tlelli d tafat, kenwi d ṭlam, agdud yezga-d ger-awen yecba tafrara ur yeṭis ur yuki.

Win ur nessin ad iṣeggem yesexṣar, teḍra yid-wen am “Balala i ḍergen tala” ! teǧǧam-d ismawen-nwen deg uqabuc n umezruy.

3 COMMENTS

  1. azul, laẓ akk d ẓkim n udavu ma ttwakksen yiwen wass, ad yuγal wemden a ten-yettu, amacki akken ulac akk d acu yeḍran, maca ma tettwakkes tutlayt i wegdud, dinna ini-as, winna γar nger illa itteddu, rrnu ar wannect-a, nekkni nummen-iten a tt-sseγren, a tt-id-reffden,ziγen nekkni nefka-yasen azuγer nedda ar tmettan-nneγ.

  2. azul, laẓ akk d ẓkim n udavu ma ttwakksen yiwen wass, ad yuγal wemden a ten-yettu, amacki akken ulac akk d acu yeḍran, maca ma tettwakkes tutlayt i wegdud, dinna ini-as, winna γar nger illa itteddu, rrnu ar wannect-a, nekkni nummen-iten a tt-sseγren, a tt-id-reffden,ziγen nekkni nefka-yasen azuγer nedda ar tmettan-nneγ.

  3. azul, laẓ akk d ẓkim n udavu ma ttwakksen yiwen wass, ad yuγal wemden a ten-yettu, amacki akken ulac akk d acu yeḍran, maca ma tettwakkes tutlayt i wegdud, dinna ini-as, winna γar nger illa itteddu, rrnu ar wannect-a, nekkni nummen-iten a tt-sseγren, a tt-id-reffden,ziγen nekkni nefka-yasen azuγer nedda ar tmettan-nneγ.

Comments are closed.