Genduza (Bgayet): Imezdaɣ bellɛen taɣiwant

0

Ass-a, n larebɛa 2 deg waggur n wamber, imezdaɣ n taddart Genduza deg At Rzin, belɛen lemqer n tɣiwant.

Imezdaɣ-agi rran ad d-seknen lɣiḍ-nnsen mgal iɣeblan ttidiren yal ass. Ger wuguren ttidiren imezdɣ-agi, lqella n lgaz n tmdint deg ixxamen, lexṣas n waman n tisit, yir iberdan, lqella n trisiti deg iberdan.

Imesbaniyen-agi ur d-ufin ara abrid nniḍen s ara ṣiwḍen iɣeblan-nnsen i yimḍebren anagar abelleɛ n wexxam n tɣiwant deg At Ṛzin. S waka i ssaramen ad awḍen ɣer tifrat n wuguren-nnsen.

C.W.