Gguman tamaziɣt deg Jijel

0
3239
taɛrabt ur tesɛa azal (lfayda)
taɛrabt ur tesɛa azal (lfayda)

JIJEL (Tamurt) – Kkren-d yimawlan n inelmaden i yeqqaṛen deg uɣerbaz amenzau “Benchouibe Rachid” i d-yezgan deg lwilya n Jijel, dɣa ɣelqen aɣerbaz-nni. Acuɣeṛ? Axaṭeṛ ur bɣin ara ad ɣṛen warrw-nsen tamaziɣt.

Seg zik i qqaṛen Leqbayel “Lmut yiwet, ma d ssebbat ugtent”. Ula d imawlan-nni sɛan aṭas n ssebbat s i gguman tamaziɣt: “aṭas i qqaṛen warraw-nneɣ”; “ur qqaṛen di Lezzayer meṛṛa”..atg. Anact-a meṛṛa i wakken kan ad d-inin ugin tamaziɣt.

Nekni ur nelli ara mgal imawlan-a i yugin tamaziɣt i warraw-nsen. Sɛan azref ad d-ffɣen ad d-inin belli ur tt-qbilen ara iwarraw-nsen axaṭer ulac d acu ara xedmen yes. Meɛna wissen d acu ara yeḍṛun ammer azekka ad d-ffɣen Leqbayel ad d-inin belli ur bɣin ara ad ɣṛen taɛṛabt warraw-nsen?

Meɛna ur cukkeɣ ara ad d-yaweḍ wass-nni anda Leqbayel ad d-ffɣen iwakken ad sutren tukksa n taɛṛabt seg iɣerbazen. Leqbayel ttɣanzin ayen yellan d ayla-nsen, gren irebbi i wid i sen-iddmen aɛekkaz.

Amaziɣ Aweɣlis