Iǧadarmiyen εewwlen-as-d i Tmurt n Yeqbayliyen

3

« Aql-aɣ nettraju lebni n 29 n lkaẓirnat iǧadarmiyen timaynutin, uqbel taggara n useggas n 2010 », i d-yenna lkulunel Benεezzuz, win yeṭṭfen iǧadarmiyen deg temnaṭ n Tizi Wezzu. Aya yekcem-d deg uɣawas n udabu n tuɣalin n iǧadarmiyen ɣer Tmurt n Yeqbayliyen seg wasmi tt-ffɣen deg 2002, anda i sseɣlin aṭas n tmegraḍ di Tefsut taberkant.

« Iswi-nneɣ d asbeddi n yiwet lkaẓirna deg yal taɣiwant. Tura, nluḥeq ala ɣer 45% deg Tizi Wezzu », i ikemmel yenna.

“Ad nernu daɣen ad d-nawi tirebbuyaε n yiǧadarmiyen nniḍen, tid i d-yeɣran ɣer GIGN n tmurt n Fransa, ad tent-nebḍu deg yal tamnaṭ n Tmurt n Yeqbayliyen. Akka tura, ala 07 deg-sent i yebdan lxedma”, i yekfa awal-is