Iɛṭṭaren n tefranin

1

Am warezg-im a tugdut, di Lezzayer frurxen ikabaren; idimuqraṭiyen, isenselmen, izeggaɣen, iwraɣen, izegzawen, ijenjariyen…Lḥaṣul seg-sen tusem ula d tislit n Wenẓar!

Iɛeṭṭaren-agi kesben yiwet n tezlit, ttawin-tt-id di tegnatin izuzunen agdud, cennun qarren : « Ad awen-d-nexdem iberdan, ad awen-nebnu leǧwamaɛ, ad awen-d-nessiweḍ aman s ixxamen, trisiti, lgaz, d wallalen-nniḍen… ayen akk i walan ixuṣ agdud ad t-id-sersen di reḥba n tefranin.

Ala di tefranin i la d-qqaren ayen akk i ixuṣen agdud, sexdamen tidet, tilawet d liḥala ideg yettili wegdud akken kan ad awḍen iswi-nsen.

Imexḍa, mebɛid i d-ttmuqulen, ttḥessisen-d i wayen i d-qqaren iɛeṭṭaren n tefranin, seg wayen akkenni yakk i d-qqaren izerren acḥal i teqqerṣ tmurt, yefla ṭbel-is, acḥal i tt-ixuṣṣen i wakken ad tili d tamurt yecban timura ( ala di tefranin i la d sekfalen laɛwayer-nsen, ila d-qqaren acḥal i yefla uyeddid-nsen.) Yerna ayen akka i d-ttawin d ayen i d-nnan wid iɛeddan.

D tifranin n webrid; ɣef iberdan i ttmeslayen, deg webrid i la t-id-qqaren, acku ala s wannect-nni i aɣ-ttafen abrid. Deg tefranin ad aɣ-ttɛahaden s “ncallah”, mi ɛeddant reglen, ssegrayen-aɣ-d “llah ɣaleb!”

Ass-a ikabaren nettwali-ten tettren ( ttnadin win ara ifernen iɛṭṭaren-nsen) azekka mi i d-ulin, ad erren wid iten-ifernen d imattaren! Akka i d tasartit n Lezzayer ay imɣban!

Usawen tturaren yes-sen am tiddas; kkes wa, err-d wa. Ukessar tturaren yes-neɣ am walqafen; nerwa akessar d usawen !

Irnaten Murad

1 COMMENT

  1. ayen?lebni lejjwama3, awid evnut.!ur xussen ara issurdiyen i wanect-a.ma d’ayen nidden;akken yenna lewnas,ulac,ulac………………..?ULAC AHVAS.

LEAVE A REPLY

Please enter your comment!
Please enter your name here