I wacu timanit i tmurt n yiqbayliyen ?

2
311
Timanit i tmurt n yiqbayliyen
timanit i tmurt n yiqbayliyen

Ayen i yceɣben s waṭas iqbayliyen, d tadamsa, imi tura tamsalt n lasel d tissas amzun akken ur sɛint ara azal am zik ! Ihi, ad d-nemmeslay ɣef uḥric-a di tmurt n leɣbayel.

Akken yella lḥal, nettidir akk deg tudrin, deg temdinin, Neẓra akk belli yal taddart tesɛa irgazen d yettaṭafen isenfar, ifurguyen n ussiweḍ, tiḥunna… wigi akken neẓra akk, ttxellisen tabzert. Ma yella yal taddart tesɛa 3 neɣ 4 n yirgazen d-ittaṭafen isenfaren yerna yal yiwen seg-sen ittxellis ugar n 30 imelyan i useggas war tiḥunna,ifurguyen… acḥal i dtessekcam taddrt-nni i useggas? Aya war ma nemmeslay-d ɣef temdinin yecban Aqbu yeččuren d lluzinat, Leqser, Bgayet…

– Acḥal n lluzinat i tesɛa tmurt n leqbayel ?
– Acḥal n tḥunna, ifurguyen…yettxellisen ?
– Acḥal n yirgazen d-ittaṭafen isenfaren, ixeddamen niḍen am wid yettseṭṭilen icubaɣ…?
– Anda ttarran akk yidrimen n usagen d unafag d yidrimen n Bgayet ?

Ilaq ad nẓer ay ayetma belli wigi i yaɣ-iḥekmen ttkelliḥen-aɣ ! ur aɣ-d-ttawḍen ara yisurdiyen n lpitrul ! Nezmer ad nidir s tdamsa n tmurt-nneɣ akken ilaq, nezmer ad tt-nesnerni acku adabu yettsabuṭi-yaɣ, aṭas n yisenfaren i bɣan yiberraniyen neɣ wid n daxel ad sseftin deg tmurt-nneɣ taqbaylit, yettagi udabu aya ! Ilaq ad nẓer belli timura irebḥen mačči s lpiṭrul i ttidirent, maca s tebzar n lluzinat d yixeddamen n yigduden-nsent.

Kamel D.

2 COMMENTS

  1. azul, akken gziγ nekk tamsalt-a n timanit i tmurt n Yeqbayliyen, ad tili d tuddsa seg ufus n warraw n tmurt,s uxemmem-nsen kan ara telhu, a tt-rren axir wassa, ad kksen fell-as aεukkem i d-isers udabu Aεrab-ineslem di 62 ar assa, adabu yettbuddun ayen ddir i wansayen d tutlayt d tdamsa n tmurt Leqbayel ulac ṭṭmaε deg-s, acḥal iseggasen aya tura, la ttruẓun deg-s, kra n wid iran a tt-ḥudden, zzin fell-sen, wa nγa-t wa nfan-t, wa gezmen-as awal,cwi kan tura medden akk ukin, nwala abrid s talwit, ad aγ-yessiweḍ ar wayen nebγa,nra ad nidir d ilelliyen ad neqqim d Iqbayliyen ur yettizmir yiwen ad aγ-ibeddel,ma d aγrum anda nedda a t-id-nsis, imi tamurt n Leqbayel d axxam-nneγ, Lezzayer merra d taddart-nneγ, acku d ayla lejdud-nneγ nettayal deg-s.

  2. azul, akken gziγ nekk tamsalt-a n timanit i tmurt n Yeqbayliyen, ad tili d tuddsa seg ufus n warraw n tmurt,s uxemmem-nsen kan ara telhu, a tt-rren axir wassa, ad kksen fell-as aεukkem i d-isers udabu Aεrab-ineslem di 62 ar assa, adabu yettbuddun ayen ddir i wansayen d tutlayt d tdamsa n tmurt Leqbayel ulac ṭṭmaε deg-s, acḥal iseggasen aya tura, la ttruẓun deg-s, kra n wid iran a tt-ḥudden, zzin fell-sen, wa nγa-t wa nfan-t, wa gezmen-as awal,cwi kan tura medden akk ukin, nwala abrid s talwit, ad aγ-yessiweḍ ar wayen nebγa,nra ad nidir d ilelliyen ad neqqim d Iqbayliyen ur yettizmir yiwen ad aγ-ibeddel,ma d aγrum anda nedda a t-id-nsis, imi tamurt n Leqbayel d axxam-nneγ, Lezzayer merra d taddart-nneγ, acku d ayla lejdud-nneγ nettayal deg-s.

Comments are closed.