« Iferɛunen » mgal igellilen yessuturen tilelli

3

Ama d Angela Merkel ama d Emamanuel Macron ama d iselwayen n tmura-nniḍen bedden merra akkd Raxoy aselwan n udabu n tmurt n Spenyul.

Iselwayen-a qeblen tiɣrit n ikaṭalanen ass n 01.10.2017 (ass n tefranit) sɣur tamsulta tasepunyulit.
Adabu n Rajoy yugi ula ad yemmeslay akkd uselway n Ikaṭalaniyen Puigdemont.

Am win ara ad yini i weqcic ameẓẓyan: „Ini-iyi-d txedmeḍ tawaɣit i wakken a k- kkseɣ tilelli-inek“.

Acuɣer Icuṭiyen zemren ad vuṭin ma yella ad ffɣen si tmurt n Legliz neɣ ad qqimen deg-s. Annect-a xedment daɣen Ikibakiyen di Kanada. Ma d Ikaṭalanen nnan ala?

Adabu n tmurt n Spenyul yenna d Tamenḍawt n tmurt-is i tugi annect-a.
Ẓert tura d acu i d tlauft-a. Am win ara ad yini i tmeṭṭut-is (neɣ i wegaz-is) yessefk ad teqqimeḍ yid-i alam tenger tmeddurt, am triḍ, ama ur tṛiḍ ara. Annect-a daɣen yeḍra d Ikurdiyen.
Peshmerga (Pecmirga) am yergazen am tlawin nnuɣen mgal awanek ineslem di tmurt n Lɛiraq, wwin-d tilelli akk d talwit i tmuran n Lurup, i Markan akk d tmura-nniḍen. Tura ttwazerrgen! Am waṭas n tikwal deg umezruy-nsen.
Ikurdiyen zzin-asen-d iwaɣzniwen si yal tilist.

D acu kan ur yessefk ara ad yettu yiwen imenɣi yettilin gar Ikurdiyen s yiman-nsen. Annect-a ikref-asen ifadden. War tadukli di tegnit am tin n wassa ur zemmren ara ad ssiwḍen ɣer Uzarug-nsen.

Ula d Ikaṭalanen ɣur-sen aɣbel i d-yekka deg-sen; ur dduklen ara daɣen.

Taluft-a n Ikaṭalanen akk d Ikurdiyen tessken-d yiwet n taluft: Tadsimant (Timanit) drus iwakken ad yedder weɣref d ilelli. Amedya: Adabu asepenyul i yennan ad yekkes tadsimat i Ikaṭaliyen).
Azarug mačči d ayen fessusen ad yaḍ weɣref ɣur-s.
Nekk ul-iw yenna-yi: Ama d Ikaṭalanen, ama d Ikurdiyen zemren ad ssiwḍen ɣer yiswi-nsen assa neɣ azekka.
Am Ikaṭalanen am Ikurdiyen, amur ameqqran deg-sen yumen s yiman-is d iɣerfan illan. Ssɣarayen, xeddmen s tutlayin-nsen…

Sɣur Akli Azwaw

3 COMMENTS

  1. Les États membres permanent de L’ ONU ne sont pas pour la justice mais pour leurs sécurité et leurs intérêts et de leurs pays

  2. Les États membres permanent de L’ ONU ne sont pas pour la justice mais pour leurs sécurité et leurs intérêts et de leurs pays

Comments are closed.