Ih izzayriyen d inselmen!

2

Ih Lezzayer d tineslemt ! ih izzayriyen d inselmen! Nwala amek i la tettakren, nwala amek itzellum, nwala amek i la tessusumem sdat n lbaḍel yeḍran i wiyaḍ.

Ih d inselmen yifen akk inselmen yellan deg umaḍal, nwala-ken amek i teddarayem tabarda ass i deg tekkatem aɣyul. Ih kenwi d inselmen, yesusumen ɣef tidett iken-ittḍurrun, ih d inselmen iḥemmlen lekni sdat wid iken-yuɣen, iwen-islufuyen akken ad tuḥmadem.

Berrikit wulawen-nwen, nwala-t deg uxeddim-nwen, tetthuddum timetti, tettruẓum win yebɣan ad yebnu. Anda twalam tugdut ad temɣem fell-as, seg-s ad teččem ayen ara teksem i wiyaḍ.

Ih d inselmen d wawal! Ur tettaǧǧam win ara yemgaraden fell-awen, ur tettaǧǧam ad yidir win yumnen s wayen ur tuminem. Ih d inselmen kenwi! Ayen tebɣam ad d-yilli, ɣas s mebla Ṛebbi, ma yella d wiyaḍ ayen ibɣan ɣas d azref-nsen ur d-yettili, ur t-id-ittṣaḥ, ur tqeblem ad t-id-iṣaḥ.

Bennut leǧwameɛ trennum, ih leǧwameɛ, huddet iɣerbazen, sekwet allaɣen, imifat kenwi d inselmen! Ččet amurḍus, tceččemt iwiyaḍ. Tezdeg agit-tt, talwit ɣanfut-tt acku tettawi-d lhem!

Ih ay inselmen! kecem-t tudrin, iderman d yexxamen, ur ttaǧa-t yiwen. Ammus, asexreb, lhedd, dɣel d tmuɣli s tebrek n tiṭ, ih s tebrek n tiṭ! Ftu-t ɣef yemdanen zzuɣert-tten, ɣurwat ad tent-ǧǧem ad d-aɣen abrid n tmusni yif-it ubrid n tsusmi.
Wwet aqaru-k ɣer lqaɛ, wahi tamuɣli-k ɣer saɛudiya, leqqem ineẓḍan akken ad imɣuren ad ak-d-fken tikta tiberkanin. Ih rebbi yid-k i yella wisen kan kečč ma yid-s ay telliḍ?

Ih kenwi d inselmen!…Ih kenwi d aɛraben!

Irnaten Murad

2 COMMENTS

  1. d tawaghit nnid’en id-ighlin ghef tudrin nnegh, ittaghen yagi! amzun akken nxus seg at;anen almi id-irna uzejjid’ n tineslemt!!!

    yerna sligh atan ughent tdukliwin tinselmin di tudrin am vivras di tefsut. Ayen isent-unfen medden almi fkant tara? ayen ur tent-clixen ara send ad ttwalqment? I wassa ifut lh’al negh mazal izmer yiwen ad tent-issifeg?

    • D adabu n Lzzayer i yebγan akk-a, bγan akk leğwameε n tudrin ad sεun tidukliwin, iwumi qqaren »luğna n lğameε » swases issexraben tuddar, acku iεeggalen tdukliwin-a qeddcen ala γaf lğameε, taddart ur d-cliεen ara deg-s, yal yiwen deg-sen d acu i t-yewwin, degmi iṣurddiyen llan,kečmen-d akka wakka, ama ar udabu ama ar wid yekkaten akken lğameε ad isseγli taddart a tt-yerr ad teddu akken yexs udabu. Ihi ass-a tuddar tlaq-asent tsertit ara tent-id-yekksen seg wuccar-a n luğna lğameε »akken i s-yeqqar yiwen umγar n taddart-nneγ » (tidukliwin n lğunnun)

LEAVE A REPLY

Please enter your comment!
Please enter your name here