Imaṣriyen stufan ussan-a – S kra d-megren yeddem-it waḍu !

6

Imaṣriyen stufan-d ussan-a, siwa Idzayriyen i yesεan d ccγel, ihi atan sserbaken rennun deg izugar-nsen. Wwḍen almi d asen-nnan » D nekkni i d awen-yeslemden ula d taεrabt, acku kunwi mačči d aεraben ay tellam! ».

Ineggur-a(Idzayriyen) aṭas deg-sen i yerfan nezzeh. Tecḍeḥ zdat wallen-nsen tidet qerriḥen d tabuεeryant. Uγen-tent akken yessefk deg wulawen: Aεraben i ḥemmlen ugin-ten, tuγalin s aẓar ugin-tt neγ ṣeḍḥan yes-s » laṣel-ik yezgel-ik, win tebγiḍ yugi-k, mel-iyi-d anwa i k-ilan? ».

Seg wasmi d-necfa i yemma-s n ddunit tella, d nutni ttkellixen γef yiman-nsen, ttaran iman-nsen d Aεraben ur llin, yerna wigi zegren tilas s tiεerbubt-nsen, rran iman-nsen d Aεraben s tussda. Mi akken yerra iman-is Urumi am wakken s tidet yeffeγ si tmurt n Ledzayer di 1962, s wurfan d lγecc i d-yedden Benbella, mi akken yenna: » Ledzayer d taεrabt, d taεrabt, d taεrabt!! ». Yenna-t-id tikkelt yerna yules-as-d snat tikkal, yessed-it deg wallaγen. Yal tikkelt mi ara d-teffeγ tarwa n tmurt n yeqbayliyen s iberdan, Cennun yemdanen s wafud, qqaren » Ur nelli ara d aεraben! », imiren Idzayriyen-nniḍen ttṣeḍḥin zdat wigi llan γilen-ten d atmaten. Nuγal-asen d aẓru neγ d adγaγ di tarkast. Lemmer ttafen ad meḍlen ssemm-nneγ seddaw tmurt. Maca, ur yelli d acu ur srisen ara deg iqerray-nneγ: Tutlayt tayemmat ur tt-nelmid ara deg iγerbazen am wakken lemden akk iγerfan-nniḍen s tmeslayt-nsen timsal n ddunit deg uγerbaz, adabu d awezγi ad tafeḍ Aqbayli d netta i yellan d aqerru n tmacint-is, γas ulamma d Iqbayliyen i d-yufraren di yal annar n tmusni yerna d nutni i yennuγen Arumi, takurmut n at txidas am nutni rran-tt d axxam n waggagen-nneγ, aεebbuḍ n tmettant nefqen-as-d s tarwa-nneγ war cceḥa…atg.

« Ayen akk srewten d wayen ẓẓan, megren-t-id, yeddem-it waḍu », akka iḥulfan s yiman-nsen ass-a, s kra din iruḥ, a ziγ yelha wanzi-nni « seddaw webrid, sennig webrid, leqrar-is d abrid », siwa tidet i d tidet. Ččuren wulawen, qebren rnan tuṭṭfa n yimi. D acu d asen-d-yegran tura? Llan kra deg-sen nudan amek ara d-afen ayen ara sen-yeqden taswin-nsen xerṣum ulammer s umezruy. Aγmis n iγallen uffiren (Ccuruq) yettwassnen s tiyitwin-is mgal Iqbayliyen n tidet, win akken yeqqaren daγen ulac d acu d-yezgan sennig tutlayt taεrabt yewweḍ almi d-yura γef Cacnaq, agellid amaziγ yeγleb imaṣriyen deg useggas 950 z.t.!!! Daγen mačči d Ccuruq kan i terra tmara s amezruy imaziγen, yesseqdec d ttawil i tririt n ttar mgal adabu d wegdud amaṣri iwumi yeṭṭef tuḥsift.

Γur-i yiwen umeddakel di twuri (lxedma) leḥmala-s metwal taεerbubt tezger akin i tayri, yesleblub taεrabt s wacciwen-is, mi akken yesla i wayen t-yerran ur yuminen ara ula d imeẓẓuγen-is, yenna-yi-d: « Teẓriḍ ay ameddakel, almi d iḍelli i ḥulfaγ i tikkelt tamenzut di ddunit-iw s uẓar amaziγ yerna s tidet ». Ssakdeγ-t, uγaleγ nniγ-as »Ugten iẓuran imaziγen ay ameddakel, nekk timmuzγa-w d taqbaylit! ».

6 COMMENTS

  1. Azul fellawen(t),
    Aqli ferhégh atàs s tlalit n weghmis « Tamurt-info ».Ansùf yeswen gher wennar n tghamsa taqvaylit deg uzettà internet.Ssaramegh kan ad-tarum taqvaylit war « les carrés » aggi imectàh ig saàaren taghuri.Tzemrem ad-tarum,d-amedya:-Imàsriyen/atàs/tecdéd/qerrihèn/ hémmlen/azàr/lasél…
    Tanemmirt,u ar tufat.
    Azwaw B. Bgayet (Kabylie)

    • azul ay Amdakel.
      Isekkilen n teqbaylit ttbinen-d. Aɣbel atan ɣur-k. I wakken ad ten-twaliḍ, ilaq ad tesqedceḍ Firefox, neɣ ad d-tzedmeḍ Explorer aneggaru. Akka aɣbel-ik ad yefru, ur tettwaliḍ ara akka d asawen ikariyen-nni.

    • {{Acu ara d yinni umdan? mi ara nwali leqbayel yesderwec dabbexx, d acu i d-yegran? kra yeḍran yidneγ nettut. amzun ur aγ nγin-ara 128 yelmeẓyen deg tafsut taberkant. amzun Freḥat ur sgdilen ara abrid γer tmurt, amzun maεtub ur yettweneγ-ara..
      mazal nettes d aya kkani-illan! A buh a leqbayel!}}

    • Ina-y-as matub: « akal wi-tidiharen i chahna anwa t-yebwin?
      Je trouve que cet appel à la mobilisation des kabyles pour el 17 octobre est inapproprié.
      Il ne doit pas être commémorer par les kabyles d’une façon spécifique.
      Regarder bien, le pays pour lequel ces gens ont été massacrés le 17 boct. 61 est maintenant gouverné par les arabes et le considèrent comme exclusivement arabe. Aujourd’hui c’est encore les kabyles qui paraitront comme des rancuniers à l’endroit de la France sur son territoire même.
      Les kabyles sont donc bons toujours pour le front.
      Commémorer ce genre d’événements de cette façon nuirait aux intérêts kabyles, à l’autonimie de la kabylie et ce qui va avec.

      nââya d gdifili

  2. Tanmirt i yal wiḍ iqedcen ɣef teqvaylit, i kwunwi ay ineɣmasen bweɣmis aği amaynut,Afuḍ amuqran,ssarameɣ awen tameddurt ɣezzifen.

    • tanemmirt-ik ay Amdan ɣef wawal-ik aziḍan. Ula d nekkni yakk ad neg ayen iwumi nezmer i wakken taqbaylit ad tili d tutlayt am tiyaḍ n umaḍal, tettwasseqdec deg yal annar. Win i k-yeqqaren taqbaylit ur tezmir ara i yiman-is, d netta kan ur yezmiren ara i yiman-is, ad d-yemmeslay kan ɣef yiman-is, Waneg, taqbaylit tezmer.

      Ar tayeḍ

LEAVE A REPLY

Please enter your comment!
Please enter your name here