Imezdaɣ n wadɣir ssuturen aman n ubarj n tciḥaf

0

Azal n sebɛa n tdukliwin i yqeddcen deg tɣiwant-a, wwint ttlata yezrin rrabul n usuter n waman n ‘TCIḤAF’ s tira ɣer ssrades n tenmehla n waman n lwilaya n Bgayet, anda d-yella umeslay gar-asen. « Taɣiwant-nneɣ tessufri s lexsas n waman n tissit,d ugur agejdan i tesɛa tama-nneɣ. » I d-ɣran deg twerqet i yuran i lwali d ccaf n ddayra n Bgayet.

Mass Ṭaher, aselway n tdukl « tagmat n taddart n Mellala », yenna-d belli lwali deg tirza i d-iga ɣer Wadɣir deg Yennayer yezrin, iṛeggem-aɣ ad nsew aman n tciḥaf deg wayyur n Meɣres ! Maca anda-ten waman-a !

Agraw-a inmetti, yessegza-d belli asuter-nsen ad ikemmel, ma yella ur d-telli ara tririt, aten-an ad d-ffɣen ɣer ubrid.

Tanmehla n waman tenna belli aten-an leqdicat n tuqqna s waman bdan, imezdaɣ ilaq ad sebren kan kra, ad ten-id-awḍen waman.