Iminigen n tmara

0
iminigen n tmara
iminigen n tmara

Ussan-d si tmura anda illa cwal d ttrad. Si Afganistan, si Surya, si Lâiraq, si Congo, si Eritrea, si Libya, s Tunes, si Ssudan, ternuḍ. Macci d yiwet ad tt id nevder.

Aseggass agi kan ussan ugar n 75000 ar Lesbos, yiwet si tegzirin n tmurt n Iegrik. Kos, tagzirt nniḍen, tsettef daγen u vdan acceqlel d umarẓi d iγalen n laman. Ttasen ar tegzirin agi tigrikiyin si tmurt n Ṭṭurk.

Ar Lempeduza diγen, tamurt n Ṭelyan, d tiwinas kan akken. Ar din si Tunes d Libya iccuren tiflukin. Lḥasun agrakal icca macci yiwen gar wid ur nessaweḍ ara. Aṭas seg wid ur nessaweḍ inγan wid ixelsen ad ten sâeddin. Tikwal nesla d tiwaculin akya s lufanat iḍegren ar waman, i yilel, i iselman.

Mi ara awḍen ar Turuft, wid ittawḍen d imudduren, imi ma ur ssutren ara arazuγ asertan (akken ad izmiren imsulṭa n tmurt aten id agin) yiwen ur izmir ad ten yerr ar tmura nsen. Igrikiyen ulac adrim tineggura yagi, diγen netta uqmen asen ttawil amek ara ṭṭfen avrid ar Turuft am Llalman, Fransa d Llegliz. Awidukan ad fγen si tmurt nsen imi mi iten fkant tlisa akk-in aγilif ad yuγal macci nsen. Ad yuγal n wayeḍ u d netta ara t irefden.

Ṭaqa seg iminigen agi imaynuten, ugar n uzgen seg sen, ad tenin assa di Fransa d Llalman d tmurt n Swid.

Maca acḥal i umi izemrent ad arnunt tmura agi imi tiflukin d lembbaver ara d-ttawḍen ar tura. Amek ara asen xedmen? Sani ara ten erren? Turuft terwwi tt trebbawt amek ar afen iminigen n tmara msakit amahil? Dacu ara ccen? Amek ara dawin iman nsen?

Ulac tifrat fessusen! Aṭas n tid iâarḍen di Turuft yiwet ur tecci ara! Tin ahat ara iccen am tin tga Ustralya? Tzerrev ayla-s imi tesved taâessast s lembbaver u tugi asen anekcum ar tmurt is. Tesved anda ara ssutren arazuγ asertan di tegzirin is d-izzin. Temtawa diγen d Kambodya as ttaken izruzaγ yugaden γef tudart nsen di tmura  nsen. Akka teṣṣer iten nutni teṣṣer iman is. Maca nutni, iminigen n tmara, d Ustralya ivγan macci d tamurt illan di talwit.

Tura imi macci d yiwen deg sen, vdan ḥemmun iqerray: Igliziyen simmal ara ttâassan agennari n La Manche, Hungaria tzerrev tilisa n tmurt is, Llalman diγen tevda tettnazaâ u tevγa ad tzerrev ula d nettat tilisa as.

Maca imi ulamek ar ten qqarâen, ar asen agin anekcum ar Turuft issefk ad ten âiwnen cwiṭ. Ilaq ad ten âiwnen maca di tmura nsen akken ad qqimen din. I tmura n anda illa ttrad amek? Asuter n urazuγ asertan di tmura nsen akken d wid yuklalen kan ara d-ikecmen macci d ayen fessusen di tmura n ttrad. Ma wid ittnadin amahil, imi d aγrum i γef ttnadin ad kecmen ad kecmen. Yiwen ur izmir ad yerr zzarv i win illuẓen.

Akka ihi tayeffust taqurant ara tesglaf di tmura n Turuft. Illa wanida i terra ad ten teqqerqer. Maca ula d wid ur nqessiḥ ara am izelmaḍen, imi zgan ttnarnin iminigen gar asen, vdan ara as qqaren ilaq ad afen iduva ttawil amek ara ten ḥevsen.

Tezmer twaγit agi a tesdegdeg tadukli Turufit ugar n twaγit tudmist?