Assexdem n trisiti yetticid deg talliyin n unebdu anda yeḥma lḥal nezzeh. Maca melmi kan i tekcem tefsut, imezdaɣ n wat Leqser d wat Raced – Tubiret – ttidiren azal n ddurt-aya inegzumen n trisiti war aneḥbus; ladgha deffir lehwa i d-yewwten taggara-ya ɣef Tubiret, inegzumen-a uɣalen d tanumi.
Inegzumen-a n trisiti yettaṭṭafen seg uzgen ar snat n sswayeɛ, ttilin-d aṭas n tikkal deg wass. ɣef waya, imezdaɣ ttcektin, iɣaḍ-iten lḥa l: » Ma yella kra n wugur i d-igellun s yinegzumen-a, ilaq ad asen-d-afen tifrat, xersum imi aql-aɣ tura deg yibrir, nuggad ad aɣ-d-yaf unebdu daɣen akka ». i daɣ-d-inna yiwen seg yimezdaɣ.
I usmekti, iseggasen-a ineggura, yal anebdu imezdaɣ n tɣiwanin-a ttidiren ugur-a n unegzum n trisiti. Ihi, amek ara teḍru yid-sen, anebdu atan ɣef tewwura, yerna iban tura yakan yeḥma macci d kra !
