Ismawen-nneɣ, udmawen-nneɣ

6

FRANKFURT (Tamurt) – D acu ara d-yeḍrun awah kra n wass a d-nekker kan seg yiḍes, a d-naf Imaziɣen merra fkan i yiman-nsen ismawen imaziɣen? 

Kra ahat ad inin: „Mačči d ismawen ara d-yessalin tazawawt (tamaziɣt)Yernu acuɣer ara d-ibeddel yiwen isem i s-fkan imawlan-is?“ Ladɣa d tidet, aṭas n Yezwawen/Tizwawin ɣas ur nnecraḥen ara wulawen-nsen s yismawen-nsen ur d-neffiɣ seg yidles-nsen, maca ur zemmern neɣ ur beqqun ara ad ten-beddeln.

Llan ismawen i d-yeffɣen seg tutlayin-nniḍen ttakken-asen di tmurt-nneɣ udem azwaw. Amedya: Ṭawes yettuɣal d Ṭaṭa; Crifa yettuɣal d Fafa; Mohamed yettuɣal d Muḥend neɣ d Mḥend, Seddik yettuɣal d Didi..Llan kra icennayen beddeln ismawen-nsen. Amedya: Hamid yuɣal d Idir, Aḥsen yuɣal d Takfarinas.

Llant kra n trebbuyaɛ n ccna fkant i yiman-nsent ismawen imaziɣen: Agraw; Ideflawen; Imaziɣen Imula; Tagrawla; Yugurten…

Tura ismawen imaziɣen ugden di tmurt-nneɣ. Imawlan ttaken ismawen imaziɣen i tarwa-nsen. Annect-a yesnecraḥ ulawen n imawlan akkd tarwa mara ad timɣur.                                                                                D acu kan ar ass-a mazal llant tɣiwanin di tmurt-nneɣ i yettagin tikwal ismawen imaziɣen i yad/tid i d-ittlalen.   Annect a yesserfay aṭas imawlan-nsen, yesserfay daɣen yal Azwaw/yal tazwawt yettazzalen, i wakken tutlayt-nneɣ, idles-nneɣ ur neggern ara.

Lḍufan mara a ‘d-ilal ur izemmer ara ad yefkk i yiman-is isem i s-yehwan.                                                Amdan ma yella ur yenneraḥ ara wul-is s yisem-is, acuɣer ur izemmer ara a t-ibeddel war iɣeblan? Wi/tin yesɛan isem ur nelhi am win i yerran i wemdan aqric, yeffer-as udem-is n tidet.                                               Ihi abeddel n yisem yessefk ad yuɣal d azref n wemdan anida yebɣu yedder yiwen!

Akli Azwaw