Izen n tutlayt-iw

By
Crif Wanuɣi
-
27
286

Win ad aken-yinin tutlayt-nwen ulac-itt, yebɣa ad awen-yini ulac-iken: ad kksen azref n umeslay i wegdud ma as- kksen tutlayt-is.

Ad kksen i wegdud azref-is deg wakal-is ma as-ḥettmen tutlay nniḍen ara t-yerren d agugam.

Ma yella nnan-awen tutlayt-nnsen tfaz, bɣan ad awen-inin kunwi meẓẓiyit mazal ur tessaweḍem ara d agdud. Di tmurt-agi wid i tt-iḥekmen ddren s tutlayt yemmuten. Wid ara d-yekkren mgal nnsen, yebɣa ad yeglu s iqerra-nnsen.Ressan iman-nnsen s tutlayt-nnsen bessif.

Ḥellan-d tadrimt-nnsen s tutlayt-nnsen. Ḍegret-asen tutlayt-nnsen, ad uɣalen d ulac gar-awen, ad ten-inneɣ wurif.

Wid ad aken-yinin tutlayt-nwen d aḥric deg tutlyt-nnsen, yebɣa ad awen-yini deg-sen i d-cetlem. Tutlayt-nsen d tutlayt n ucengu. Tutlay-iw d aẓar n tidett iseḥḥan, d tutlayt i d-yugmen si tutlayin nniḍen, aka i d tutlayt yedren.
Wid ara awen yinin tutlayt-nnwen ur tezmir ara ad tselḥu lumur n ddunit, init-asen; anfet-as di talwit sakin ad tt-walim.

Kksen tutlayt i wegdud rran-tt ɣef yiri. Skra n win d-ikecmen tamurt, ad yerr tutlayt-is nnig tutlayt-iw. Ass-nni i deg ara iqader wegdud tutlayt-is, idles-is, lasel-is, ass-nni ad tnulfa tsekla, tussna akked tmussni. ad aɣ-d-isaḥ wemkan di ddunit-agi.

Win ad ken-yinin tutlayt- nwen ur tcuba ara tutlayin nniḍen, init-asen: A rbeḥ a tafat, imi amgarad-nni d nukni, d win i d nekwa-nneɣ. Win ad ken-yinin amek ara ttarum-tt, init-asen: ad tt-naru akken ttarun wid ileḥḥun ɣer zdat, aɣbel mačči deg isekkilen d lmidad kan, tidett d rruḥ!

Win awen-yinin, werǧin ad yeḍru waya! Init-asen: isaḥ-iken-d yiḍelli, nekkni d azekka i aɣ-yettraǧun.

Wid ara awen-yinin: s wacu ara tebdum? Init-asen: s leḥmala n yiman-nneɣ. Ul nneɣ d taqbaylit, allaɣ nneɣ d taqbaylit, tikta nneɣ s teqbaylit. Di tmurt-agi, ayen yesɛan azal, iteddu s teqbaylit. Wid yebɣan tamurt-agi ad tteɛmer, ad tekk nnig tmurt ttmeslayen taqbaylit.

Wid yebɣan ad ttexlun, ad ttrekden, ad ttakren..ttmeslayen tutlayt tabranit. Drus yidsen qewwan, taqbaylit d aṭas tettwerkeḍ. Maca ar tura kan. Deg tkerḍit n nekwa-w, yura-d s taɛrabt d azzayri. I yemma, i tmeṭṭut-iw d warraw-iw ttmeslayeɣ-asen s teqbaylit. Ur d-iyi-tuqiɛ deg-sen: ad d-yass wass ideg ara ruḥen, nek, arraw-iw d warraw n warraw-iw mazal-aɣ da!

Nutni cban isɣan ttḥamin ɣef lǧettat, nek ttḥamiɣ ɣef tsuta n uzekka, Ma yella tebɣam tbut? init ad tafemt ɣer tutlayt n teqbaylit, ad yerfu yemḍebber…d widen akk ur neḥmil tidett.

D reffu-yagi i d ttbut. Ur lliɣ deg wid yettsetḥin s yiman-nnsen, inekren tutlayt-nnsen, ttmeslayeɣ taqbaylit-iw d tayi kan i yesɛiɣ d aylaw.

Crif Wanuɣi

RELATED ARTICLESMORE FROM AUTHOR

27 COMMENTS

  1. D tidett a gma-inu d acu Leqbayel ur ɣaren ara taqbaylit acku dderwcen ɣef tmeslayin n wiyaḍ d ta i d tawaɣit n yeqbayliyen imi ugin ad d-fiqen d-wayen i asen-yersen!

  2. D tidett a gma-inu d acu Leqbayel ur ɣaren ara taqbaylit acku dderwcen ɣef tmeslayin n wiyaḍ d ta i d tawaɣit n yeqbayliyen imi ugin ad d-fiqen d-wayen i asen-yersen!

  3. Tanemmirt a mass Wanuɣi ɣef imeslayen-inek zeddigen am aman!
    D tidet ula d nekk aql-i seg yettxemmimen am keč
    Izen n tutlayt d wa
    Ssarameɣ atas n yemdanen ad yekker lḥir ad d-lhun d teqbaylit-nnsen.
    s tayri n teqbaylit.

  4. Tanemmirt a mass Wanuɣi ɣef imeslayen-inek zeddigen am aman!
    D tidet ula d nekk aql-i seg yettxemmimen am keč
    Izen n tutlayt d wa
    Ssarameɣ atas n yemdanen ad yekker lḥir ad d-lhun d teqbaylit-nnsen.
    s tayri n teqbaylit.

  5. {{Azul.}}

    Γef akken ttwaliɣ ula d nekk, ulac d cu i yifen tutlayt n tyemmat, d nettat kan i cci n ddunit.
    Yal yiwen ɛziz wayla-s fell-as.
    Akken yebɣ yili taqbaylit-nneɣ tif tiyaḍ imi aẓar-is yedda deg umezruy.
    {{Tanemmirt}}

    {{Massin}}

  6. {{Azul.}}

    Γef akken ttwaliɣ ula d nekk, ulac d cu i yifen tutlayt n tyemmat, d nettat kan i cci n ddunit.
    Yal yiwen ɛziz wayla-s fell-as.
    Akken yebɣ yili taqbaylit-nneɣ tif tiyaḍ imi aẓar-is yedda deg umezruy.
    {{Tanemmirt}}

    {{Massin}}

  7. D tidett a gma-inu d acu Leqbayel ur ɣaren ara taqbaylit acku dderwcen ɣef tmeslayin n wiyaḍ d ta i d tawaɣit n yeqbayliyen imi ugin ad d-fiqen d-wayen i asen-yersen!

  8. Tanemmirt a mass Wanuɣi ɣef imeslayen-inek zeddigen am aman!
    D tidet ula d nekk aql-i seg yettxemmimen am keč
    Izen n tutlayt d wa
    Ssarameɣ atas n yemdanen ad yekker lḥir ad d-lhun d teqbaylit-nnsen.
    s tayri n teqbaylit.

  9. {{Azul.}}

    Γef akken ttwaliɣ ula d nekk, ulac d cu i yifen tutlayt n tyemmat, d nettat kan i cci n ddunit.
    Yal yiwen ɛziz wayla-s fell-as.
    Akken yebɣ yili taqbaylit-nneɣ tif tiyaḍ imi aẓar-is yedda deg umezruy.
    {{Tanemmirt}}

    {{Massin}}

  10. AZUL.
    Aɣbel n tira d win iceɣben imeɣnasen s waṭas , acku ẓran belli ala ayen yuran ara idumen. Tiɣermiwin bnant ɣef tira . D wa a i d-lqaleb n tudert. Akken yebɣu yecbeḥ uḍris, yeččur d tikta akked d inumak, ma ur yuzil-ara ɣef leqlam, ma ur yeccucef ara di tadwet yeɣman, leqrar-is d nnger. Ma d tasuta tatrart d tin yeɣran( tewwid a ttaru).
    Tanemmirt

  11. AZUL.
    Aɣbel n tira d win iceɣben imeɣnasen s waṭas , acku ẓran belli ala ayen yuran ara idumen. Tiɣermiwin bnant ɣef tira . D wa a i d-lqaleb n tudert. Akken yebɣu yecbeḥ uḍris, yeččur d tikta akked d inumak, ma ur yuzil-ara ɣef leqlam, ma ur yeccucef ara di tadwet yeɣman, leqrar-is d nnger. Ma d tasuta tatrart d tin yeɣran( tewwid a ttaru).
    Tanemmirt

  12. AZUL.
    Aɣbel n tira d win iceɣben imeɣnasen s waṭas , acku ẓran belli ala ayen yuran ara idumen. Tiɣermiwin bnant ɣef tira . D wa a i d-lqaleb n tudert. Akken yebɣu yecbeḥ uḍris, yeččur d tikta akked d inumak, ma ur yuzil-ara ɣef leqlam, ma ur yeccucef ara di tadwet yeɣman, leqrar-is d nnger. Ma d tasuta tatrart d tin yeɣran( tewwid a ttaru).
    Tanemmirt

  13. akken nan imezwura:win yesnen tutlayt is d win i d’arggaz,win yesnen tutlayt is yerna tin medden d’arggaz d wezggen,win yesnen tutlayin medden ur yessin tutlayt is d’yir arggaz!et oui,ma truhak tutlayt ik,d’acu igdd yeqqimen ay amdan?

  14. akken nan imezwura:win yesnen tutlayt is d win i d’arggaz,win yesnen tutlayt is yerna tin medden d’arggaz d wezggen,win yesnen tutlayin medden ur yessin tutlayt is d’yir arggaz!et oui,ma truhak tutlayt ik,d’acu igdd yeqqimen ay amdan?

  15. Azul, ur nennum ara nettaf-itt deg iγerbazen a tt-tγer dderya nneγ, nettaf kan d tutlayin nniḍen, armi yettel yiles nuγal yal yiwen amek yesgemgum, tutlayin akk sεant iwunak i tent-irefden, i tent-isγarayen deg iγerbazen ttrebbin-d yis-sent tisutwin ara d-yeggrin a tt-meslayent, tagi nneγ meskint ur tsεi bab ara tt-irefden, acimi-acimi.

  16. Azul, ur nennum ara nettaf-itt deg iγerbazen a tt-tγer dderya nneγ, nettaf kan d tutlayin nniḍen, armi yettel yiles nuγal yal yiwen amek yesgemgum, tutlayin akk sεant iwunak i tent-irefden, i tent-isγarayen deg iγerbazen ttrebbin-d yis-sent tisutwin ara d-yeggrin a tt-meslayent, tagi nneγ meskint ur tsεi bab ara tt-irefden, acimi-acimi.

  17. {{Nekk a wen-iniɣ ay Iqbayliyen wid yeddan deg « uḥemmal » n tkellax n imnekcem : ilaq ad walin ulac tutlayt i d-yusan s nnig tayeḍ. Akken ma llant, uklalent leqder d uḥareb, maca d allalleni yemxallafen gar-asent. Tidak yulin, d tid ibedden, beddent acku imawlan-nsen ɣur-sen aḍabu d « leklac  » ger ifassen-nsen.
    Afud igerzen!}}

  18. {{Nekk a wen-iniɣ ay Iqbayliyen wid yeddan deg « uḥemmal » n tkellax n imnekcem : ilaq ad walin ulac tutlayt i d-yusan s nnig tayeḍ. Akken ma llant, uklalent leqder d uḥareb, maca d allalleni yemxallafen gar-asent. Tidak yulin, d tid ibedden, beddent acku imawlan-nsen ɣur-sen aḍabu d « leklac  » ger ifassen-nsen.
    Afud igerzen!}}

  19. akken nan imezwura:win yesnen tutlayt is d win i d’arggaz,win yesnen tutlayt is yerna tin medden d’arggaz d wezggen,win yesnen tutlayin medden ur yessin tutlayt is d’yir arggaz!et oui,ma truhak tutlayt ik,d’acu igdd yeqqimen ay amdan?

  20. Azul, ur nennum ara nettaf-itt deg iγerbazen a tt-tγer dderya nneγ, nettaf kan d tutlayin nniḍen, armi yettel yiles nuγal yal yiwen amek yesgemgum, tutlayin akk sεant iwunak i tent-irefden, i tent-isγarayen deg iγerbazen ttrebbin-d yis-sent tisutwin ara d-yeggrin a tt-meslayent, tagi nneγ meskint ur tsεi bab ara tt-irefden, acimi-acimi.

  21. {{Nekk a wen-iniɣ ay Iqbayliyen wid yeddan deg “uḥemmal” n tkellax n imnekcem : ilaq ad walin ulac tutlayt i d-yusan s nnig tayeḍ. Akken ma llant, uklalent leqder d uḥareb, maca d allalleni yemxallafen gar-asent. Tidak yulin, d tid ibedden, beddent acku imawlan-nsen ɣur-sen aḍabu d “leklac ” ger ifassen-nsen.
    Afud igerzen!}}

  22. Azul

    Widak ikkaten ad agh kksen tutlayt negh, ran ad rran matchi kan nekkni d igugamen, ran ad kksen awal i tjaddit nnegh, i ddin negh, iw mezruy nnegh, i idles n negh.

    Ahulfu n negh ur issin ad issiwel war s taqvaylit. Ddin n negh, iâassasen n negh ur sîin tuslayt n nnig taqvaylit. Ihi win iwwten deg taqvaylit, iwwet deg tanekkit n negh, iwwet deg negh.

  23. Azul

    Widak ikkaten ad agh kksen tutlayt negh, ran ad rran matchi kan nekkni d igugamen, ran ad kksen awal i tjaddit nnegh, i ddin negh, iw mezruy nnegh, i idles n negh.

    Ahulfu n negh ur issin ad issiwel war s taqvaylit. Ddin n negh, iâassasen n negh ur sîin tuslayt n nnig taqvaylit. Ihi win iwwten deg taqvaylit, iwwet deg tanekkit n negh, iwwet deg negh.

  24. Azul

    Widak ikkaten ad agh kksen tutlayt negh, ran ad rran matchi kan nekkni d igugamen, ran ad kksen awal i tjaddit nnegh, i ddin negh, iw mezruy nnegh, i idles n negh.

    Ahulfu n negh ur issin ad issiwel war s taqvaylit. Ddin n negh, iâassasen n negh ur sîin tuslayt n nnig taqvaylit. Ihi win iwwten deg taqvaylit, iwwet deg tanekkit n negh, iwwet deg negh.

Comments are closed.