Izwawen: iseɣ s tgallit

2

Deg tallit taqburt ur neẓri amek Izwawen, aɣṛef-a i d-yeqqerṣen seg tferka n ugafa, llan ttgallan. D acu kan send ad d-awḍent ddiyanat Azwaw yella yettgalla akken ad yesseḥbiber ɣef yiseɣ-is. Tanfaliyin swayes ttgallan gar-asent « tebra» ay icudden ɣer tmeṭṭut, meḥsub ma yeggul Wezwaw « tebra ard… » ulac tuɣalin ɣer deffir, acku ma ulac iεfes ɣef yiseɣ-is. Tella daɣen tenfalit « s yixef n… » taneggarut-a tesbeggin-d acḥal ay teswa, ay teεziz tudert ɣur Wezwaw d wemdan sumata dɣa. Yettusemma ma yeggul « s yixef n Yemma ard… » ur iḥennet ara daɣen acku tayemmat taεziz.

Segmi i d-kecment ddiyanat ar ass-a:

Segmi d-kecmenṭ tesṛaṭ ar ass-a, ama d tahudit ama d tamasiḥt ama d tineslemt nnulfant-d tenfaliyin timaynutin deg tgallit n Wezwaw ay icudden ɣer wayen i d-yusan deg kra n tesṛaṭ i d-bedreɣ deg ufella gar-asent « a ḥeq Ṛebbi… » tayi tcudd ɣer teɣdemt akked lḥeq n Bab n yigenwan, « Wellah » tayi seg tineslemt ay d-tezrurreq, imi Yellu deg ddin n lislam ssawalen-as « Allah ». « treg d leḥlal-iw» tayi daɣen ɣef tmeṭṭut, seg ass-mi d-tessken tesṛeṭ acu d leḥlal d acu d leḥṛam, yuɣal Wezwaw yesmenyif tameṭṭut taḥlalt mačči am zik n zik tin tufiḍ sdat-k rcel-itt, aya daɣen yesbeyyin-d azal ay yettak Wezwaw d Umaziɣ sumata i tmeṭṭut seg Dihya almi d Fatma nsumer, yerna argaz anifi yeggulen « treg d leḥlal-iw ard… » ur iḥennet ara ɣas ad iεeddi ixef-is ɣef lfinga, acku ma yeḥnet, tameṭṭut yercel mačči d taḥlalt.

Tiyi d kra n tenfaliyin kan ay d-nebder wamma mazal llant, yerna ur ttemcabint seg temnaṭ ɣer tayeḍ.

Ayen yellan deffir n tenfaliyin-a n tgallit s lεali d yihwah :

Ma mmeslayeɣ-d ɣef lεali yessefk ad ssegzuɣ d acu d lεali-ya, lεali-ya uɣef ttmeslayeɣ d ayen yerzan arrac izwawen, ma yella nesselmed-asen tagallit tirrugzant ɣef yiseɣ (war aḥnat), aya d ayen yelhan, ad d-yesker tasuta n yirgazen yettnaɣen ɣef yiseɣ-nsen.

Ayen n ndir, icudd ɣer tutlayt d yidles. Acku nettwali tuget n Yizwawen amek ttgallan ass-a, kkaten tutlayt-nsen s yiles-nsen ur ten-terra tmara. Ma bedreɣ-d kan « uqsimu billah » ay d-ddmen seg taεṛabt war ma gan-as xerṣum tasuqilt ɣer tutlayt-nsen ad d-inin « qessmeɣ-d s Ṛebbi ». Ihi aya itedda-yas di neqqma i yiles-nneɣ ay sran i useqdec, i urfad akken ur inegger, acku ɣas ma tura tella tira iḥerrzen, maca ula d ayen yettazzalen seg iles i umeẓẓuɣ i yiles ila azal d agaεmir.

2 COMMENTS

  1. amdan y-tt gallan d win yeskiddiven!wama arggaz yezggan yenna tidett u ttamnent medden mbla tagalit.ma d win yeskiddiven,xas yeggul ur tettamnen medden. ne& akken nan imezwura,mi yuker hedre&,mi yeggul umne&?ma d’inumak n tgalit zik,aheq kra idd yaffkkan as-a.ne& idd yefkkan itij a,n’vav ggidh…atg macci d yiwet….!ma ttinggua ya,b ras yemma ne& qassaman bi llah.wiggi macci d’ayla ne&.

  2. One of these is Creatine Marketing. On the flip facet, this approach will spend absent from tenfold if all will go adequately.
    [reklama online Łódź->http://flashgamesnew.com/groups/added-benefits-of-applying-the-online-directory/]

LEAVE A REPLY

Please enter your comment!
Please enter your name here