Izwawen yessefk ad lemden ayen imi qqaren medden „Ssefsaṭa“ (Diplomatie)!

3
471
yessefk ad lemden
yessefk ad lemden

Deg umagrad «Tawaghit en direct» sɣur mass Cafaε (tamurt) n wass n 24.05.2016 akk d tiriritin fell-as (*) ffɣen-d kra n wawalen n rregmat deg Idir d Wait Menguellet amzun d tirsasin.

Taluft-a n „tuččit n weksum“ deg watmaten-nneɣ tuklal asefru: Imezwura-nneɣ nnan: „Awal am tersast, ma yeffeɣ-d ur yettuɣal ara“. Nnan daɣen „Ameyyez send aneggez.“

Yad i ireggmen imedyazen-nneɣ imeqqranen Idir akk d Wait Menguellet nnan, irgazen-a ffɣen i webrid n tikli ɣef tlelli-nneɣ nekni s Yizwawen. Nnan fkan afus i yad i iteddun mgal izerfan-nneɣ, gar-asen aneɣlaf amezwaru n tmurt n Dzayer. S wakka ɣilen ɣur-sen azref a ten-regmen.

Da nezmer a neɛreḍ a nezzi taluft akken-nniḍen, a nenced iman-nneɣ: D acu ar‘ ad yeḍrun lemmer Ait Menguellet akk d Idir ugin ad-fkken afus i uneɣlaf Sellal, ugin a t-ssudnen, yernu d netta i yezwaren yezzi ɣur-sen? D acu ar‘ ad inin medden ɣef wakka?

Akken walaɣ, ahat drus kan ar’ ad yinin «imedyazen-a-nneɣ d irgazen n ddkir, ɣur-sen tirrugza». Akken walaɣ, amur ameqqran n tarwa n tmurt-nneɣ ahat ad yini: «Annect-a d ttbehdila gar inebgiwen iberraniyen, annect-a d tiɣenddeft». Acuɣer? Acku tirrugza yessefk ad tili deg wemḍiq anida i yessefk ad tili. Amedya: Tirrugza d tira s tutlayt-nneɣ, anida nedda. Tirrugza d imenɣi ɣef izerfan-nneɣ s wawl yelhan. Tirrugza d aqaḍer n izerfan n wemdan. Tirrugza d ..

S tiḥḥirci kan i nezmer a nessiweḍ ɣer yiswi-nneɣ, a nedder am nekni am iɣerfan n tmura-nniḍen. Deg weḥric n tsertit yessefk a neẓer merra «TIḤḤIRCI (tirrumit) teɣleb TIRRUGZA!» Ihi ula d nekni s Yizwawen yessefk a neddu deg weḥric n tsertit s tiḥḥirci, s tirrumit. Ula d nekni s Yizwawen yessefk a nelmed ayen imi qqaren medden deg weḥric n tsertit «Ssefsaṭa» neɣ «la diplomatie!»

Akli Azwaw

3 COMMENTS

  1. Tanemmirt a Dd’Akli ɣef imeslayen agi swayes d-tesfehmeḍ taluft. Lunis ak d Yidir ɣas akken msellamen ak d weɛdaw di teswiɛt nni deg llan, ur d-iban ara belli fkan afus. Yerna ɣas yexser, mači dɣa ɣef tagi kan dɣa ara neɣli degsen s rregmat.

  2. Tanemmirt a Dd’Akli ɣef imeslayen agi swayes d-tesfehmeḍ taluft. Lunis ak d Yidir ɣas akken msellamen ak d weɛdaw di teswiɛt nni deg llan, ur d-iban ara belli fkan afus. Yerna ɣas yexser, mači dɣa ɣef tagi kan dɣa ara neɣli degsen s rregmat.

  3. Tanemmirt a Dd’Akli ɣef imeslayen agi swayes d-tesfehmeḍ taluft. Lunis ak d Yidir ɣas akken msellamen ak d weɛdaw di teswiɛt nni deg llan, ur d-iban ara belli fkan afus. Yerna ɣas yexser, mači dɣa ɣef tagi kan dɣa ara neɣli degsen s rregmat.

Comments are closed.